October 10, 2021
October 10, 2021
ദോഹ : ദർബൽസായി മൈതാനിയിൽ ഇത്തവണയും ദേശീയദിനത്തോടനുബന്ധിച്ചുള്ള ആഘോഷപരിപാടികൾ ഉണ്ടാവില്ലെന്ന് അധികൃതർ അറിയിച്ചു. കഴിഞ്ഞ തവണ കോവിഡ് മഹാമാരി വില്ലനായപ്പോൾ, പരിപാടിയുടെ ഘടനയിൽ വരുത്തിയ മാറ്റം കാരണമാണ് ഈ വർഷം ഇവിടെ ആഘോഷങ്ങൾ അരങ്ങേറാത്തത്. മൈതാനി കേന്ദ്രീകരിച്ച് പരിപാടികൾ നടത്തുന്നതിന് പകരം രാജ്യത്തിന്റെ വിവിധഭാഗങ്ങളിലായി ആഘോഷങ്ങൾ ക്രമീകരിക്കാനാണ് നീക്കം.
2022 മുതൽ ദേശീയദിനത്തിന്റെ പരിപാടികൾ നടത്താൻ പ്രത്യേകവേദി തയ്യാറാക്കുമെന്നും സംഘാടകസമിതി അറിയിച്ചു. ഉംസലാൽ മുഹമ്മദിലുള്ള പ്രത്യേക എഞ്ചിനീയറിങ് ഓഫീസിനാണ് ഇതിനുള്ള സ്ഥലം നിശ്ചയിക്കാനുള്ള ചുമതല. ദേശീയതയുടെയും ഐക്യത്തിന്റെയും പ്രതീകമായ ദേശീയദിനം ഡിസംബർ 18 നാണ് ആഘോഷിക്കപ്പെടുന്നത്.
