March 10, 2022
March 10, 2022
കുവൈത്ത് സിറ്റി : രാജ്യത്തിന്റെ ആഭ്യന്തര മന്ത്രിയായി ഷെയ്ഖ് അഹ്മദ് നവാഫ് അൽ അഹ്മദ് അസ്സബാഹിനെയും, പ്രതിരോധ മന്ത്രിയായി ഷെയ്ഖ് തലാൽ ഖാലിദ് അൽ അഹ്മദ് അസ്സബാഹിനെയും നിയമിച്ചു. പ്രത്യേക അമീരി ഉത്തരവ് പ്രകാരമാണ് ഇരുവരും ചുമതലയേറ്റത്.
പാർലമെന്റും സർക്കാരും തമ്മിൽ ഭിന്നതകൾ ഉടലെടുത്തെന്ന റിപ്പോർട്ടുകൾ പുറത്ത് വന്നതിന് പിന്നാലെ ആഭ്യന്തര, പ്രതിരോധ മന്ത്രിമാർ രാജിവെച്ചിരുന്നു. ഷെയ്ഖ് അഹ്മദ് മൻസൂർ അൽ അഹ്മദ് അസ്സബാഹ്, ഷെയ്ഖ് ഹമദ് ജാബിർ അൽ അലി അസ്സബാഹ് എന്നിവരാണ് രാജി അർപ്പിച്ചത്. പുതുതായി ചുമതലയേറ്റ രണ്ട് മന്ത്രിമാർക്കും ഉപപ്രധാനമന്ത്രി പദവിയുമുണ്ട്.
