December 12, 2020
December 12, 2020
ദുബായ് : ദുബായിലെ താമസ സ്ഥലത്ത് നിന്നു രണ്ടു ദിവസം മുമ്പ് കാണാതായ മലയാളിയെ മരിച്ച നിലയിൽ കണ്ടെത്തി. എറണാകുളം പള്ളുരുത്തി വടക്കേപറമ്ബില്‍ സേവ്യറിന്റെ മകന്‍ സുനിലാണ് (45) മരിച്ചത്. ആത്മഹത്യയാണെന്ന് സംശയിക്കുന്നു. ചൊവ്വാഴ്ച മുതൽ ജബൽ അലിയിലെ താമസ സ്ഥലത്ത് നിന്നു കാണാതായതായി ബന്ധുക്കൾ പരാതിനൽകിയിരുന്നു.. നേരത്തെ 13 വർഷം ദുബായിൽ ജോലി ചെയ്തിരുന്ന പെയിന്ററായ സുനിൽ ജോലി ഉപേക്ഷിച്ച് നാട്ടിലേയ്ക്ക് തിരിച്ചുപോയ ശേഷം 2 മാസം മുമ്പാണ് വീണ്ടും ജോലി അന്വേഷിച്ച് ടൂറിസ്റ്റ് വീസയിൽ തിരിച്ചെത്തിയത്. നേരത്തെ ഒപ്പം ജോലി ചെയ്തിരുന്നവരുടെ കമ്പനിയിൽ ജോലി ലഭിച്ച് വീസാ നടപടികൾ നടന്നുവരികയായിരുന്നു. സുഹൃത്തുക്കളോടൊപ്പമായിരുന്നു ജബൽ അലിയിലെ ഫ്ലാറ്റിൽ താമസിച്ചിരുന്നത്. ചൊവ്വാഴ്ച വൈകിട്ട് ആറിന് പുറത്തിറങ്ങിയ സുനിൽ തിരിച്ചുവരാത്തതിനെ തുടർന്ന് പരിസരത്ത് അന്വേഷിച്ചെങ്കിലും കണ്ടെത്തിയില്ല.തുടർന്ന് ജബൽ അലി പൊലീസിനെ വിവരമറിയിക്കുകയായിരുന്നു.. ഇന്ത്യൻ കോൺസുലേറ്റിലും ഇവർ പരാതി നൽകിയിരുന്നു.
ഇതിനിടെയാണ് മൃതദേഹം കണ്ടെത്തിയത്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക
