November 04, 2019
November 04, 2019
ദോഹ : ശരീരത്തിന് ഹാനികരമാകുന്ന രാസവസ്തുക്കൾ അടങ്ങിയ തേൻ വില്പന നടത്തിയതിന് ദോഹയിലെ തേൻ വില്പന സ്ഥാപനം ആരോഗ്യമന്ത്രാലയം അടപ്പിച്ചു. 'ഊർജം പകരുന്ന തേൻ' എന്ന പരസ്യം നൽകിയാണ് ഉൽപന്നം വില്പന നടത്തിയിരുന്നത്. ഇത് ശ്രദ്ധയിൽ പെട്ടതിനെ തുടർന്ന് ആരോഗ്യമന്ത്രാലയം സാമ്പിൾ ശേഖരിച്ച് വിശദമായ പരിശോധനയ്ക്ക് അയച്ചിരുന്നു. രാജ്യാന്തര തലത്തിൽ നിരോധിക്കപ്പെട്ട രാസവസ്തുക്കൾ തേനിൽ അടങ്ങിയതായി പരിശോധനയിൽ കണ്ടെത്തിയതിനെ തുടർന്നാണ് നടപടി.
നിയമലംഘനം കണ്ടെത്തിയതിനെ തുടർന്ന് കട അടച്ചുപൂട്ടാൻ മന്ത്രാലയം നോട്ടീസ് നൽകുകയായിരുന്നു. കടയിൽ നിന്ന് പിടിച്ചെടുത്ത ഉത്പന്നങ്ങൾ അധികൃതർ നശിപ്പിച്ചു.ഉപഭോക്താക്കളുടെ ആരോഗ്യസുരക്ഷ ഉറപ്പുവരുത്താൻ മന്ത്രാലയം വ്യാപകമായ പരിശോധന നടത്തിവരികയാണ്.
