May 01, 2022
May 01, 2022
ദോഹ : സ്വകാര്യ മേഖലയിലെ സ്ഥാപനങ്ങളിലെ തൊഴിലാളികൾക്ക് ഖത്തർ തൊഴിൽ മന്ത്രാലയം മൂന്ന് ദിവസത്തെ ഈദുൽ ഫിത്ർ അവധി പ്രഖ്യാപിച്ചു."തൊഴിൽ നിയമത്തിന് വിധേയമായി സ്വകാര്യ മേഖലയിലെ സ്ഥാപനങ്ങളിലെ തൊഴിലാളികൾക്കുള്ള ഈദുൽ ഫിത്തർ അവധി മൂന്ന് ദിവസമായിരിക്കും.ഈ ദിവസങ്ങളിലെ വേതനം പൂർണമായും തൊഴിലാളികൾക്ക് നൽകിയിരിക്കണം." മന്ത്രാലയം ട്വിറ്ററിൽ നൽകിയ പ്രസ്താവനയിൽ വ്യക്തമാക്കി.
അവധി ദിനങ്ങളിൽ ജോലി ചെയ്യുന്ന തൊഴിലാളികൾ ഖത്തർ തൊഴിൽ നിയമത്തിലെ ആർട്ടിക്കിൾ 74 പ്രകാരം ഓവർ ടൈം ആനുകൂല്യങ്ങൾക്ക് അർഹരായിരിക്കുമെന്നും തൊഴിൽ മന്ത്രാലയം അറിയിച്ചു.
