June 13, 2023
June 13, 2023
ന്യൂസ്‌റൂം സ്പോർട്സ് ഡെസ്‌ക്
ഒരു ലോകകപ്പ് കൂടി താൻ കളിക്കില്ല എന്ന് ലയണല്‍ മെസ്സി ആവര്‍ത്തിച്ചു. അര്‍ജന്റീനക്ക് ആയി താൻ കളിക്കുന്ന അവസാന ലോകകപ്പ് ആയിരിക്കും ഖത്തര്‍ ലോകകപ്പ് എന്ന് മെസ്സി നേരത്തെ പറഞ്ഞിരുന്നെങ്കിലും പിന്നീട് ഇത് തിരുത്തിയിരുന്നു.
എന്നാൽ താരം ഇപ്പോള്‍ അത് ആവര്‍ത്തിച്ചിരിക്കുകയാണ്. ഖത്തര്‍ ലോകകപ്പ് ജയത്തോടെ താൻ തൃപ്തനായെന്നും മെസ്സി പറഞ്ഞു.
"ഞാൻ നേരത്തെ പറഞ്ഞതുപോലെ, അടുത്ത ലോകകപ്പില്‍ പങ്കെടുക്കുമെന്ന് ഞാൻ കരുതുന്നില്ല. അതിനെക്കുറിച്ച്‌ ഞാൻ എന്റെ മനസ്സ് മാറ്റിയിട്ടില്ല. ലോകകപ്പ് കാണാൻ ഞാൻ അവിടെ ഉണ്ടായിരിക്കാൻ ആഗ്രഹിക്കുന്നു, പക്ഷേ ഞാൻ പങ്കെടുക്കാൻ പോകുന്നില്ല." മെസ്സി പറഞ്ഞു.
"ലോകകപ്പ് നേടിയതോടെ ഉണ്ടാക്കിയ കരിയറില്‍ ഞാൻ സംതൃപ്തനും നന്ദിയുള്ളവനുമാണ്, ഇതാണ് എനിക്ക് ഏറ്റവും പ്രധാനപ്പെട്ടത്." മെസ്സി കൂട്ടിച്ചേര്‍ത്തു. ലോകകപ്പ് ആണ് തന്നെ സംബന്ധിച്ചെടുത്തോളം തനിക്ക് ലഭിച്ച ഏറ്റവും വലിയ നേട്ടം എന്നും മെസ്സി പറഞ്ഞു. മെസ്സി ഒരു ലോകകപ്പ് കൂടെ കളിക്കണം എന്ന് ആഗ്രഹിക്കുന്ന മെസ്സി ആരാധകര്‍ക്ക് നിരാശ നല്‍കുന്നതാണ് മെസ്സിയുടെ പുതിയ പ്രസ്താവന.
ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/HHOGGyLPTMH45QRaxZQRyz
