April 09, 2021
April 09, 2021
ദോഹ : ഇൻഡസ്ട്രിയൽ ഏരിയയിലെ കടകളിൽ മോഷണം നടത്തിയ അറബ് പൗരനെ ജനറൽ ഡയറക്ടറേറ്റ് ഓഫ് ക്രിമിനൽ ഇൻവെസ്റ്റിഗേഷൻ അറസ്റ്റ് ചെയ്തു.ഇൻഡസ്ട്രിയൽ ഏരിയയിലെ നിരവധി കടകളിൽ നടന്ന മോഷണത്തെക്കുറിച്ച് കുറ്റാന്വേഷണ വിഭാഗത്തിന് ലഭിച്ച പരാതിയുടെ അടിസ്ഥാനത്തിൽ നടത്തിയ തെരച്ചിലിലാണ് പ്രതിയെ അറസ്റ്റ് ചെയ്തത്.
അർദ്ധരാത്രിക്ക് ശേഷം പ്രദേശത്തെ കടകളിൽ അതിക്രമിച്ചു കയറി പണവും മറ്റ് വിലപിടിപ്പുള്ള വസ്തുക്കളും മോഷ്ടികച്ചതായി പ്രതി കുറ്റസമ്മതം നടത്തി.തൊണ്ടിമുതലും മോഷണത്തിന് ഉപയോഗിച്ച ഉപകരണങ്ങൾ പോലീസ് പിടിച്ചെടുത്തു.
കടകളുടെ സുരക്ഷിതത്വം ഉറപ്പുവരുത്താൻ അലാറം,നിരീക്ഷണ കാമറ ഉൾപ്പെടെയുള്ള സംവിധാനങ്ങൾ സ്ഥാപിക്കണമെന്നും പണം കടകളിൽ സൂക്ഷിക്കരുതെന്നും ജനറൽ ഡയറക്ടറേറ്റ് ഓഫ് ക്രിമിനൽ ഇൻവെസ്റ്റിഗേഷൻ കട ഉടമകളോട് നിർദേശിച്ചു.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക
