November 01, 2021
November 01, 2021
കുവൈത്ത് സിറ്റി : പന്ത്രണ്ടിനും പതിനഞ്ചിനും ഇടയിൽ പ്രായമുള്ള കുട്ടികൾക്ക് വാക്സിൻ നൽകിയതിന് പിന്നാലെ, അടുത്ത ഘട്ടം പ്രഖ്യാപിച്ച് കുവൈത്ത്. അഞ്ചുമുതൽ പതിനൊന്ന് വയസ്സുവരെ പ്രായമുള്ള കുട്ടികൾക്ക് വാക്സിനേഷൻ നൽകാനുള്ള നടപടികൾ സ്വീകരിക്കുകയാണ് അധികൃതർ. രക്ഷിതാവിന്റെ മൊബൈൽ ഫോൺ വഴിയാകും ഇതിനുള്ള നടപടിക്രമങ്ങൾ നടത്തുക.
ഇതോടൊപ്പം തന്നെ, വഫറ അബ്ദലി ഫീൽഡ് വാക്സിനേഷൻ കേന്ദ്രങ്ങളിൽ ഞായറും തിങ്കളും കുത്തിവെപ്പ് എടുക്കാമെന്നും ആരോഗ്യമന്ത്രാലയം അറിയിച്ചു. സ്വദേശികൾക്കും വിദേശികൾക്കും ഇവിടെ സൗകര്യം ഒരുക്കും. രാവിലെ ഒൻപത് മണിമുതൽ വൈകീട്ട് ഏഴ് മണിവരെയാവും വാക്സിനേഷൻ നൽകുക. ഇതുവരെ ആദ്യഡോസ് സ്വീകരിക്കാത്തവർക്കും, രണ്ടാം ഡോസിനുള്ള സമയം ആയവർക്കും ഇവിടെ വാക്സിൻ ലഭിക്കുമെന്നും അധികൃതർ വ്യക്തമാക്കി.
