December 01, 2021
December 01, 2021
കുവൈത്ത് സിറ്റി : നിലവിൽ കുവൈത്തിലുള്ള സ്വദേശികളും വിദേശികളും തൽക്കാലം കുവൈത്തിൽ നിന്ന് പുറത്ത്‌ പോകരുതെന്ന് ഉപദേശം ലഭിച്ചതായി ഉന്നത സർക്കാർ വൃത്തങ്ങളെ ഉദ്ധരിച്ച്‌ പ്രാദേശിക അറബ്‌ ദിന പത്രം റിപ്പോർട്ട്‌ ചെയ്തു.
കൊറോണ വൈറസിന്റെ പുതിയ വകഭേദമായ ഒമിക്രോണുമായി ബന്ധപ്പെട്ട സംഭവവികാസങ്ങൾ വ്യക്തമല്ലെന്നും രാജ്യത്ത് ഇതുവരെ വൈറസ് സ്ഥിരീകരിച്ചതായി ഔദ്യോഗിക വിവരങ്ങളൊന്നും ലഭിച്ചിട്ടില്ലെന്നും അധികൃതർ സൂചിപ്പിച്ചു. വൈറസിന്റെ വ്യാപന ശേഷിയെ കുറിച്ചോ ഏതെല്ലാം രാജ്യങ്ങളിൽ പടരുന്നു എന്നത്‌ സംബന്ധിച്ചോ വ്യക്തത ഉണ്ടായിട്ടില്ല.എന്നാൽ പ്രാദേശിക, അന്തർ ദേശീയ തലങ്ങളിൽ കൂടുതൽ കർശന മുൻകരുതൽ നടപടികൾ സ്വീകരിക്കുന്നത് പുതിയ വൈറസിന്റെ വ്യാപനത്തെ ആശ്രയിച്ചായിരിക്കുമെന്നും ഉന്നത വൃത്തങ്ങൾ അറിയിച്ചതായി പത്രം റിപ്പോർട്ട്‌ ചെയ്തു. പുതിയ വകഭേദവുമായി ബന്ധപ്പെട്ട വിവരങ്ങൾ സർക്കാർ വളരെ ആശങ്കയോടെയാണ് പിന്തുടരുന്നത്‌. ഇത്‌ സംബന്ധിച്ച്‌ ആരോഗ്യ, ആഭ്യന്തര മന്ത്രാലയങ്ങൾ പുറപ്പെടുവിച്ച ആരോഗ്യ മുൻകരുതലുകൾ പാലിക്കാൻ എല്ലാവരും തയ്യാറാകണമെന്നും സർക്കാർ അഭ്യർത്ഥിച്ചു
ന്യൂസ്‌റൂമിൽ പരസ്യം ചെയ്യാൻ +974 33450597 എന്ന നമ്പറിൽ വിളിക്കുക
