September 29, 2019
September 29, 2019
Photo : Kuwait Times
കുവൈത്ത് സിറ്റി: ശുവൈഖ് വ്യവസായിക മേഖലയില്‍ പാഴ്‌വസ്തുക്കൾ കൂട്ടിയിട്ടിരുന്ന സ്ഥലത്തുനിന്ന് തീ പടർന്ന് വൻ അപകടമുണ്ടായി.എന്നാൽ ആളപായം റിപ്പോർട്ട് ചെയ്യപ്പെട്ടിട്ടില്ല. വിവിധ സ്ഥാപനങ്ങള്‍ പ്രവര്‍ത്തിക്കുന്ന പ്രദേശത്താണ് തീപിടുത്തമുണ്ടായത്.അഗ്നിശമന സേനയുടെ സമയോചിതമായ ഇടപെടലിനെ തുടര്‍ന്ന് തീ പടരാതെ നിയന്ത്രണവിധേയമാക്കാന്‍ കഴിഞ്ഞതായാണ് റിപ്പോർട്ട്.ശുഹദാ, ആര്‍ദിയ, ഇസ്‌നാദ്, ഷുവൈഖ്‌ തുടങ്ങിയ സ്ഥലങ്ങളില്‍ നിന്നെത്തിയ അഗ്നിശമന സംഘമാണ് തീ നിയന്ത്രണവിധേയമാക്കിയത്.
1000 ചതുരശ്ര മീറ്റര്‍ ചുറ്റളവിലാണ് തീ പടര്‍ന്നതെന്ന് അഗ്നിശമന സംഘം അറിയിച്ചു. തീ പടര്‍ന്നതിന്റെ കാരണം വ്യക്തമല്ല. സുരക്ഷാ സംഘം സംഭവത്തില്‍ അന്വേഷണം തുടങ്ങിയിട്ടുണ്ട്.
