November 01, 2021
November 01, 2021
കുവൈത്ത് സിറ്റി : കോവിഡ് പ്രതിസന്ധി കാരണം നിർത്തിവെച്ചിരുന്ന വിസ നടപടിക്രമങ്ങൾ കുവൈത്ത് പുനരാരംഭിച്ചു. അധികൃതർ മുന്നോട്ടുവെച്ചിട്ടുള്ള നിബന്ധനകൾ കൃത്യമായി പാലിക്കാൻ കഴിയുന്നവർക്ക് മാത്രമേ വിസ സ്വന്തമാക്കാനാകൂ. ഒപ്പം, കുവൈത്ത് അംഗീകരിച്ചിട്ടുള്ള വാക്സിനുകളിൽ ഒന്നിന്റെ രണ്ട് ഡോസും എടുത്തിരിക്കണം.
തൊഴിൽ പത്രത്തിൽ ചുരുങ്ങിയത് 500 ദിനാർ എങ്കിലും ശമ്പളമുള്ളവർക്ക് മാത്രമേ കുടുംബവിസയ്ക്ക് അപേക്ഷിക്കാൻ കഴിയുകയുള്ളൂ. 16 വയസിന് മുകളിൽ പ്രായമുള്ള മക്കൾക്ക് കുടുംബവിസ അനുവദിക്കില്ലെന്നും അധികൃതർ വ്യക്തമാക്കിയിട്ടുണ്ട്. അപേക്ഷ സമർപ്പിക്കുന്ന സമയത്ത് ക്യുആർ കോഡ് അടങ്ങിയ വാക്സിനേഷൻ സർട്ടിഫിക്കറ്റ് ഹാജരാക്കാനും നിർദേശമുണ്ട്. 53 രാജ്യങ്ങളിൽ നിന്നുള്ള പൗരന്മാർക്കാണ് ഇത്തരത്തിൽ കുടുംബവിസ അനുവദിക്കാൻ തീരുമാനിച്ചത്.
