October 22, 2021
October 22, 2021
ദോഹ: ഖത്തർ യൂണിവേഴ്‌സിറ്റിയുടെ പുതിയ കെട്ടിടത്തിന് അന്താരാഷ്ട്ര പുരസ്‌കാരം ലഭിച്ചു. എൻജിനീയറിങ് ന്യൂസ് റെക്കോർഡിന്റെ ഗ്ലോബൽ ബെസ്റ്റ് പ്രോജക്ട് 2021 അവാർഡാണ് യൂണിവേഴ്സിറ്റി സ്വന്തമാക്കിയത്. ആറ് ഭൂഖണ്ഡങ്ങളിലെ 21 രാജ്യങ്ങളിൽ നിന്ന് നിരവധി പ്രോജക്ടുകൾ പങ്കെടുത്ത മത്സരത്തിനൊടുവിലാണ് ഖത്തർ യൂണിവേഴ്സിറ്റി ഈ ചരിത്രനേട്ടം സ്വന്തമാക്കിയത്.
2021 ഏപ്രിലിൽ പണി പൂർത്തിയാക്കിയ കെട്ടിടം തീർത്തും വിദ്യാർത്ഥികേന്ദ്രീകൃതമായാണ് നിർമിച്ചിരിക്കുന്നത്. 2500 വിദ്യാർത്ഥികളെ ഉൾകൊള്ളാൻ ശേഷിയുള്ള കെട്ടിടത്തിൽ ഇരുന്നൂറിൽ അധികം അധ്യാപക-അനധ്യാപക ജീവനക്കാരുമുണ്ട്. ജീവനക്കാർക്ക് ഭൂഗർഭ പാർക്കിങ് സൗകര്യവും, ബ്രോഡ് കാസ്റ്റിംഗ് സ്റ്റുഡിയോയും കെട്ടിടത്തിന്റെ സവിശേഷതകളിൽ ചിലതാണ്. 36 ക്ലാസ് മുറികളുള്ള കെട്ടിടത്തിലെ ഓഡിറ്റോറിയത്തിൽ 356 പേർക്ക് ഒന്നിച്ചിരിക്കാൻ കഴിയും. ഭിന്നശേഷിക്കാർക്ക് വേണ്ടി പ്രത്യേകസൗകര്യവും ഓഡിറ്റോറിയത്തിൽ ഒരുക്കിയിട്ടുണ്ട്.
