September 01, 2019
September 01, 2019
ഇന്ത്യ, സൗദി, കുവൈത്ത് എന്നീ രാജ്യങ്ങളിലെ തലസ്ഥാനങ്ങളുമായി ബന്ധിപ്പിക്കുന്ന സർവീസിന് മികച്ച പ്രതികരണമുണ്ടാകുമെന്നാണ് പ്രതീക്ഷിക്കുന്നതെന്ന് ഇൻഡിഗോയുടെ ചീഫ് കൊമേഴ്സ്യൽ ഓഫിസർ വില്യം ബൗൾട്ടർ പറഞ്ഞു.
റിയാദ് : ഒക്ടോബർ 11 മുതൽ ഇൻഡിഗോ ഗൾഫ് സെക്ടറിലേക്ക് 2 സർവീസുകൾ കൂടി ആരംഭിക്കുന്നു. ഡൽഹിയിൽനിന്ന് റിയാദ്, കുവൈത്ത് എന്നിവിടങ്ങളിലേക്കാണു പുതിയ സേവനം. നിലവിൽ മുംബൈ-ജിദ്ദ സെക്ടറിൽ ഇൻഡിഗോയ്ക്ക് പ്രതിദിന സർവീസുണ്ട്. ഡൽഹിയിൽനിന്ന് ഉച്ചയ്ക്ക് 12.15ന് പുറപ്പെടുന്ന 6-ഇ 1839 വിമാനം പ്രാദേശിക സമയം 3ന് റിയാദിൽ എത്തും. തിരിച്ച് വൈകിട്ട് 4ന് പുറപ്പെട്ട് (6ഇ 1841 വിമാനം) രാത്രി 11.25 ഡൽഹിയിൽ എത്തും വിധമാണ് പ്രതിദിന സർവീസ് ക്രമീകരിച്ചിരിക്കുന്നത്.
ചൊവ്വ ഒഴികെയുള്ള ദിവസങ്ങളിൽ പുലർച്ചെ 2.20ന് ഡൽഹിയിൽ നിന്നു പുറപ്പെടുന്ന വിമാനം 4ന് കുവൈത്തിലെത്തും. തിരിച്ച് 5ന് പുറപ്പെടുന്ന വിമാനം രാവിലെ 11.15 ന് ഡൽഹിയിൽ എത്തും.
