April 01, 2022
April 01, 2022
കുവൈത്ത് : കുവൈത്തിലെ പുരാതന മാർക്കറ്റുകളിൽ ഒന്നായ മുബാറക്കിയയിൽ വൻ തീപ്പിടുത്തം. ഇന്നലെ വൈകീട്ട് മൂന്നരയോടെയാണ് സൂഖിലെ തെരുവിൽ തീ പടർന്നത്. എട്ടോളം ഫയർഫോഴ്സ് യൂണിറ്റുകൾ ഏറെ നേരം പരിശ്രമിച്ചാണ് തീ നിയന്ത്രണവിധേയമാക്കിയതെന്ന് കുവൈത്ത് ഫയർഫോഴ്സ് അറിയിച്ചു.
റമദാൻ മാസാരംഭം അടുത്തതിനാൽ മാർക്കറ്റിൽ നല്ല തിരക്ക് അനുഭവപ്പെട്ടിരുന്നതിനാൽ അഗ്നിശമനസേനയ്ക്ക് തീ അണയ്ക്കാൻ ബുദ്ധിമുട്ട് നേരിട്ടെന്നും പബ്ലിക് റിലേഷൻസ് ഓഫീസർ അൽ സൽമാൻ സൈദ് അറിയിച്ചു. കടകളിൽ തീപിടുത്തത്തിന്റെ ആക്കം കൂട്ടുന്ന, പെർഫ്യൂമുകളും മറ്റും ഉണ്ടായിരുന്നതും രക്ഷാപ്രവർത്തനത്തെ പ്രതികൂലമായി ബാധിച്ചു. ഇരുപതോളം കടകളിലേക്ക് തീ പടർന്നെങ്കിലും, സംഭവത്തിൽ ആർക്കും പരിക്കേറ്റിട്ടില്ല.
