June 21, 2021
June 21, 2021
കൊച്ചി: ദോഹയിൽ നിന്നും നെടുമ്പാശേരി വിമാനത്താവളത്തിലെത്തിയ യാത്രക്കാരനിൽ നിന്നും അനധികൃതമായി കടത്തിയ സ്വർണം പിടികൂടി. 90 ലക്ഷം രൂപയുടെ സ്വര്‍ണ്ണമാണ് യാത്രക്കാരനില്‍ നിന്നും കസ്റ്റംസ് എയര്‍ ഇന്റലിജന്‍സ് വിഭാഗത്തിന്റെ നേതൃത്വത്തില്‍ പിടികൂടിയത്.
ഇന്ന് പുലര്‍ച്ചെ ഖത്തറില്‍ നിന്നും നേരിട്ട് നെടുമ്പാശേരി രാജ്യാന്തര വിമാനതാവളത്തില്‍ ഖത്തര്‍ എയര്‍വെയ്‌സ് വിമാനത്തില്‍ എത്തിയ യാത്രക്കാരന്‍ ഇലക്ട്രിക് ഉപകരണങ്ങളിൽ ഒളിപ്പിച്ചാണ് അനധികൃതമായി സ്വര്‍ണ്ണം കടത്താൻ ശ്രമിച്ചത്.മലപ്പുറം സ്വദേശിയാണ് പിടിയിലായത്.
.സ്വര്‍ണ്ണം ആര്‍ക്കുവേണ്ടിയാണ് ഇയാള്‍ കടത്തുവാന്‍ ശ്രമിച്ചതെന്നതു ഉള്‍പ്പടെയുടെ കാര്യങ്ങള്‍ അറിയുന്നതിനായി ഇയാളെ കസ്റ്റംസ് എയര്‍ ഇന്റലിജന്റ്‌സ് വിഭാഗം വിശദമായി ചോദ്യം ചെയ്ത് വരികയാണ്.
