March 27, 2022
March 27, 2022
സൗഹൃദമത്സരത്തിൽ ബൾഗേറിയക്കെതിരെ കളത്തിലിറങ്ങിയ ഖത്തറിന്, ഒന്നിനെതിരെ രണ്ട് ഗോളുകളുടെ വിജയം. എഡ്യൂക്കേഷൻ സിറ്റി സ്റ്റേഡിയത്തിൽ നടന്ന മത്സരത്തിൽ അക്രം അഫീഫ്, ബൗലം ഖൗക്കി എന്നിവരാണ് ഖത്തറിനായി വലകുലുക്കിയത്. ഡെസ്പൊഡോവാണ് ബൾഗേറിയയുടെ ഗോൾ സ്‌കോറർ.
അതേസമയം, ഇന്ത്യ തുടർച്ചയായ രണ്ടാം സൗഹൃദമത്സരത്തിലും തോൽവി വഴങ്ങി. കഴിഞ്ഞ തവണ ബഹ്‌റൈനോട് പൊരുതിത്തോറ്റ ടീം, ഇത്തവണ ബെലാറസിന് മുൻപിൽ ഏകപക്ഷീയമായി മത്സരം അടിയറവ് വെച്ചു. മറുപടിയില്ലാത്ത മൂന്ന് ഗോളുകൾക്കായിരുന്നു ബെലാറസിന്റെ വിജയം. യൂറോപ്പിലെ മത്സരങ്ങളിൽ സ്‌പെയിൻ, ഇംഗ്ലണ്ട്, ജർമനി, ഹോളണ്ട് എന്നീ പ്രമുഖടീമുകൾ വിജയിച്ചപ്പോൾ, ബെൽജിയം സമനിലയിൽ കുരുങ്ങി.
