November 19, 2022
November 19, 2022
ന്യൂസ്‌റൂം ബ്യുറോ
ദോഹ : ഖത്തറിൽ വെള്ളിയാഴ്ച രാവിലെയുണ്ടായ രണ്ട് വ്യത്യസ്ത വാഹനാപകടങ്ങളിലായി നാല് സ്വദേശി യുവാക്കൾ മരിച്ചതായി ഗതാഗത മന്ത്രാലയത്തെ ഉദ്ധരിച്ച് അൽ ശർഖ് പത്രം റിപ്പോർട്ട് ചെയ്തു.റൗദത്ത് റാഷിദ് ഏരിയയിലും ഷമാൽ റോഡിലുമായാണ് അപകടമുണ്ടായത്.
റൗദത്ത് റാഷിദിൽ അഞ്ച് യുവാക്കൾ സഞ്ചരിച്ചിരുന്ന കാർ നിയന്ത്രണം വിട്ട് മറിഞ്ഞുണ്ടായ അപകടത്തിൽ മൂന്ന് യുവാക്കൾ മരിച്ചു.രണ്ടുപേർ പരിക്കുകളോടെ ആശുപത്രിയിലാണ്.അമിതവേഗതയാണ് അപകടത്തിനിടയാക്കിയതെന്നാണ് വിവരം.
ഷമാൽ നോർത്ത് റോഡിൽ രണ്ടു കാറുകൾ കൂട്ടിയിടിച്ചുണ്ടായ അപകടത്തിലാണ് ഒരാൾ മരിച്ചത്.ചെറുപ്പക്കാർ അശ്രദ്ധമായി വാഹനമോടിക്കുന്നതിരെ രക്ഷിതാക്കൾ മുന്നറിയിപ്പ് നൽകണമെന്നും ഗതാഗത നിയമങ്ങൾ പാലിക്കണമെന്നും മന്ത്രാലയം ഓർമിപ്പിച്ചു.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/FxcpaKzzbtR4LadT0rnH7K എന്ന ലിങ്കിൽ ജോയിൻ ചെയ്യുക
