July 01, 2022
July 01, 2022
ദോഹ : ഖത്തറിലെ ഫുഡ് ഡെലിവറി കമ്പനികൾ ഉച്ച സമയത്ത് ഭക്ഷണമെത്തിക്കാൻ ബൈക്കുകൾ ഉപയോഗിക്കരുതെന്നും പകരം കാർ ഉപയോഗിക്കണമെന്നുമുള്ള നിർദേശം പ്രാബല്യത്തിൽ വന്നു.ഡെലിവറി ജീവനക്കാരുടെ ആരോഗ്യവും സുരക്ഷിതത്വവും ഉറപ്പുവരുത്താൻ തൊഴിൽ മന്ത്രാലയം പുറപ്പെടുവിച്ച നിർദേശപ്രകാരമാണ് നടപടി.രാവിലെ 10 മണി മുതൽ ഉച്ചക്ക് 3:30 വരെയാണ് കാറുകൾ ഉപയോഗിക്കുക. തീരുമാനം ഇന്ന് മുതൽ പ്രാബല്യത്തിലായി.
തീരുമാനത്തെ പ്രമുഖ ഡെലിവറി കമ്പനികൾ സ്വാഗതം ചെയ്തു.
"ഖത്തർ തൊഴിൽ മന്ത്രാലയം നൽകിയ നിർദേശപ്രകാരം ഡെലിവറി മേഖല രാവിലെ 10 മണി മുതൽ ഉച്ചക്ക് 3:30 വരെ ഇനി കാറുകൾ ഉപയോഗിക്കും. ജൂലൈ ഒന്ന് മുതൽ സെപ്റ്റംബർ 15 വരെ ഇത് പ്രാബല്യത്തിൽ ഉണ്ടായിരിക്കും," തലബാത് ഇൻസ്റ്റാഗ്രാമിൽ അറിയിച്ചു.
ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
