March 14, 2022
March 14, 2022
ദോഹ : 2022-23 അധ്യയന വർഷത്തിൽ രാജ്യത്ത് പുതിയ അഞ്ച് സ്കൂളുകൾ കൂടി ആരംഭിക്കുമെന്ന് ഉന്നതവിദ്യാഭ്യാസ മന്ത്രാലയം അറിയിച്ചു. അധ്യാപനത്തിൽ അടക്കം നിരവധി തൊഴിലവസരങ്ങളും ഇതോടെ സൃഷ്ടിക്കപെടും. അഭിമുഖങ്ങളിലൂടെ സ്വദേശി പൗരന്മാരെയും വിദേശികളെയും ഈ ഒഴിവുകളിലേക്ക് പരിഗണിക്കുമെന്നും ഉന്നതവിദ്യാഭ്യാസ മന്ത്രാലയം കൂട്ടിച്ചേർത്തു.
സ്വദേശിവത്ക്കരണത്തിന്റെ രണ്ടാം ഘട്ടം ആരംഭിച്ചതിനാൽ സ്വദേശികൾക്കാവും ഈ ഒഴിവുകളിൽ മുൻഗണന നൽകുക. ദേശീയ എംപ്ലോയ്‌മെന്റ് പ്ലാറ്റ്ഫോമായ കവാദറിൽ പേര് രജിസ്റ്റർ ചെയ്ത സ്വദേശികൾക്കാവും പ്രഥമ പരിഗണന. ഖത്തർ യൂണിവേഴ്സിറ്റി, ടൊമോഹ് ഖത്തർ തുടങ്ങിയ വിദ്യാഭ്യാസ സ്ഥാപനങ്ങളിൽ നിന്നും പഠനം കഴിഞ്ഞ് ഇറങ്ങിയവർക്ക് അവസരമൊരുക്കും. യോഗ്യരായ ഉദ്യോഗാർത്ഥികളെ ഉപയോഗിച്ച് ഈ തൊഴിൽ ഒഴിവുകൾ നികത്തുമെന്നും മന്ത്രാലയം പ്രഖ്യാപിച്ചു.
