December 02, 2021
December 02, 2021
ദോഹ : ഫിഫ അറബ് കപ്പിലെ തങ്ങളുടെ കന്നിക്കളിക്കിറങ്ങിയ സൗദി അറേബ്യക്ക് തോൽവി. ഏകപക്ഷീയമായ ഒരു ഗോളിന് ജോർദാനാണ് സൗദിയെ വീഴ്ത്തിയത്. ഗ്രൂപ്പിലെ രണ്ടാം മത്സരത്തിൽ മൊറോക്കോ ഫലസ്തീനെ ഒന്നിനെതിരെ നാല് ഗോളുകൾക്ക് തകർത്തു.
വിരസമായ ആദ്യപകുതിക്കൊടുവിൽ രണ്ടാം പകുതിയിലാണ് ജോർദാൻ ഗോൾ നേടിയത്. മഹ്മൗദ് അൽ മർദി 62ആം മിനിറ്റിൽ ലക്ഷ്യം കാണുകയായിരുന്നു. 54 ആം മിനിറ്റിൽ പത്തുപേരായി ചുരുങ്ങിയ ശേഷമാണ് ജോർദാൻ ലീഡെടുത്തത്. 75 ആം മിനിറ്റിൽ സൗദി താരത്തിനും ചുവപ്പുകാർഡ് ലഭിച്ചു. അഞ്ചാം തിയ്യതി ഫലസ്തീനുമായാണ് സൗദിയുടെ അടുത്ത മത്സരം. ആദ്യറൗണ്ടിലെ എല്ലാ മത്സരങ്ങളും അവസാനിച്ചതിനാൽ, അറബ് കപ്പിൽ ഇന്ന് മത്സരങ്ങളില്ല.
