January 22, 2020
January 22, 2020
ഉമ്മുൽഖുവൈൻ : വൈ-ഫൈ കണക്ഷന്‍ അയല്‍വാസികള്‍ക്ക് വിറ്റതിന് ഏഷ്യന്‍ പ്രവാസി യുവാവിന് ഉമ്മുൽഖുവൈൻ കോടതി 50,000 ദിര്‍ഹം പിഴ ചുമത്തി. പ്രതി തന്റെ ഇന്റര്‍നെറ്റ് കണക്ഷനില്‍ നിയമവിരുദ്ധമായി ഒരു ബൂസ്റ്റര്‍ സ്ഥാപിച്ചു താമസിച്ചിരുന്ന കെട്ടിടത്തിലെ ചില താമസക്കാര്‍ക്ക് പണമീടാക്കി വൈഫൈ സേവനം നൽകിയിരുന്നു. യു.എ.ഇ നിയമമനുസരിച്ച് ഇങ്ങനെ ചെയ്യുന്നത് നിയമവിരുദ്ധമാണ്.
രാജ്യത്തെ പ്രമുഖ ടെലികമ്മ്യൂണിക്കേഷന്‍ സേവന ദാതാവിന്റെ പരാതിയെ തുടര്‍ന്ന് കഴിഞ്ഞ ഡിസംബറിലാണ് പ്രതിയെ പിടികൂടിയത്.തുടര്‍ന്ന് ഇയാളെ പബ്ലിക് പ്രോസിക്യൂഷന് കൈമാറുകയായിരുന്നു. കോടതി ഇയാളെ കുറ്റക്കാരനാണെന്ന് കണ്ടെത്തി കനത്ത പിഴയും കോടതി ചാര്‍ജുകളും നല്‍കാന്‍ ഉത്തരവിടുകയായിരുന്നു.
