February 16, 2022
February 16, 2022
ദോഹ : ഖത്തറിലെ മുൻനിര ബാങ്കുകളിൽ ഒന്നായ ദുഖാൻ ബാങ്ക് 'ഡയറക്ട് ടു അകൗണ്ട്' എന്ന പേരിൽ പുതിയ സേവനം ആരംഭിച്ചു. വെസ്റ്റേൺ യൂണിയൻ മണി ട്രാൻസ്ഫറുമായി സഹകരിച്ചാണ് പുതിയ പദ്ധതി. മൊബൈൽ ആപ്ലിക്കേഷൻ, ഓൺലൈൻ ബാങ്കിംഗ്, ദുഖാൻ എ.ടി.എം മെഷീൻ തുടങ്ങിയ മാർഗങ്ങളിൽ ഈ സേവനം ലഭ്യമാകും.
ദുഖാൻ ബാങ്കിൽ നിലവിലുള്ള, 'അകൗണ്ട് ടു ക്യാഷ് ' സേവനത്തിന്റെ പരിഷ്കരിച്ച പതിപ്പാണ് 'ഡയറക്ട് ടു അകൗണ്ട്'.ഇതോടെ, ലോകത്തിന്റെ നാനാഭാഗത്തുള്ള ഇരുന്നൂറിലധികം രാജ്യങ്ങളിലേക്ക് ഞൊടിയിട കൊണ്ട് ഖത്തറിൽ നിന്ന് പണമയക്കാൻ സാധിക്കും. മൂന്നാമത് ഒരു കമ്പനിയുടെ സേവനം പണമടക്കാൻ ആവശ്യമില്ലെന്നും, വളരേ വേഗം, ഏത് സമയത്തും പണമയക്കാൻ ഉപഭോക്താക്കൾക്ക് സാധിക്കുമെന്നും ദുഖാൻ ബാങ്ക്, പത്രക്കുറിപ്പിലൂടെ അറിയിച്ചു. ദുഖാൻ ബാങ്കിനൊപ്പം സഹകരിക്കാൻ കഴിഞ്ഞതിൽ ഏറെ സന്തോഷമുണ്ടെന്നായിരുന്നു വെസ്റ്റേൺ യൂണിയന്റെ പ്രതികരണം. ഉപഭോക്താക്കൾക്ക് സംശയനിവാരണത്തിനായി 8008555 ൽ വിളിക്കാമെന്നും, ബാങ്കിന്റെ ഔദ്യോഗിക വെബ്‌സൈറ്റായ http://www.dukhanbank.com സന്ദർശിക്കാമെന്നും ദുഖാൻ അധികൃതർ അറിയിച്ചു.
