August 31, 2019
August 31, 2019
ദോഹ: നഗരസഭ-പരിസ്ഥിതി മന്ത്രാലയം അഞ്ചു മാസത്തിനിടെ 78 കെട്ടിടങ്ങള്‍ പൊളിച്ചുമാറ്റാന്‍ ഉത്തരവിട്ടതായി റിപ്പോര്‍ട്ട്. മന്ത്രാലയത്തിനു കീഴിലെ കെട്ടിട, പൊളിച്ചുമാറ്റല്‍ സമിതിയാണ് അഞ്ചു മാസത്തിനിടെ ഇതുസംബന്ധിച്ച 87ഓളം ഉത്തരവുകള്‍ പുറപ്പെടുവിച്ചത്.
ഉത്തരവുകളില്‍ ഏറെയും കെട്ടിടംപൊളിച്ചുമാറ്റാനുള്ളതായിരുന്നു. ഒന്‍പതു കെട്ടിടങ്ങള്‍ അറ്റകുറ്റപണി നടത്താനും ഉത്തരവിട്ടു. കഴിഞ്ഞ അഞ്ചു മാസത്തിനിടെ വിവിധ മുനിസിപ്പാലിറ്റികളില്‍നിന്ന് കെട്ടിടങ്ങള്‍ പൊളിച്ചുമാറ്റാനുള്ള 59 അപേക്ഷകളും അറ്റകുറ്റപണിക്കുള്ള 41 അപേക്ഷകളും ലഭിച്ചു. സമിതി രൂപീകരിക്കപ്പെട്ട ശേഷം ഇതുവരെ 706 കെട്ടിടം പൊളിച്ചുമാറ്റല്‍ അപേക്ഷയും 143 അറ്റകുറ്റപണി അപേക്ഷയുമാണു ലഭിച്ചത്. ഇതില്‍ ഭൂരിഭാഗം അപേക്ഷകളിലും ആവശ്യമായ നടപടികള്‍ സ്വീകരിച്ചിട്ടുണ്ട്.
