December 16, 2021
December 16, 2021
ദോഹ : സ്ത്രീകൾക്ക് മാത്രമായുള്ള ബീച്ചുമായി അൽ ശമൽ മുനിസിപ്പാലിറ്റി. സ്വകാര്യത സൂക്ഷിച്ചുകൊണ്ട് സന്ദർശകർക്ക് കടൽ ആസ്വദിക്കാനാണ് ഇത്തരമൊരു സംരംഭത്തിന് തുടക്കം കുറിച്ചതെന്ന് അധികൃതർ അറിയിച്ചു. അൽ മംലഹ എന്ന് നാമകരണം ചെയ്തിരിക്കുന്ന ബീച്ച്, 15000 സ്‌ക്വയർ മീറ്ററിലാണ് സ്ഥിതിചെയ്യുന്നത്.
സുരക്ഷിതമായ സംരക്ഷണവേലിക്കുള്ളിലായി ഒരുക്കിയ ബീച്ചിൽ ശൗച്യാലയവും, ബാർബിക്യു സംവിധാനവും അടക്കമുള്ള സൗകര്യങ്ങൾ ഒരുക്കിയിട്ടുണ്ട്. വനിതാ ഉദ്യോഗസ്ഥർ മാത്രമടങ്ങിയ പ്രത്യേകഗാർഡ് സംഘവും ബീച്ചിലുണ്ടാവും. സോളാർ ഊർജമുപയോഗിച്ചാണ് ബീച്ചിലെ വിളക്കുകൾ ഒരുക്കിയിട്ടുള്ളത്. ദിവസവും രാവിലെ 9 മണിമുതൽ രാത്രി 10 മണിവരെ ബീച്ച് സ്ത്രീകൾക്കായി തുറന്നുകൊടുക്കപ്പെടും.
