November 19, 2021
November 19, 2021
ദോഹ : തൊഴിൽ നിയമങ്ങൾ ലംഘിച്ച, തൊഴിലാളികൾക്ക് കൃത്യസമയത്ത് ശമ്പളം കൊടുക്കാതിരുന്ന 314 കമ്പനികൾക്ക് നേരെ നടപടി എടുത്ത് ഖത്തർ തൊഴിൽ മന്ത്രാലയം. ഒക്ടോബർ 1 മുതൽ നവംബർ 15 വരെയുള്ള കാലയളവിൽ തൊഴിൽ നിയമം ലംഘിച്ച കമ്പനികൾക്ക് നേരെയാണ് നടപടി എടുത്തത്.
ഭരണഘടനയുടെ ആർട്ടിക്കിൾ 66 പ്രകാരം തൊഴിലാളികൾക്ക് യഥാസമയം വേതനം നൽകേണ്ടതുണ്ട്. വിദേശതൊഴിലാളികളുടെ തൊഴിൽനിയമങ്ങളായ ലോ നമ്പർ 14, ലോ നമ്പർ 1 എന്നിവയും ലംഘിക്കപ്പെട്ടതായി കണ്ടെത്തിയിട്ടുണ്ട്. ഇത്തരത്തിലുള്ള ലംഘനങ്ങൾ അനുവദിക്കില്ലെന്നും കൃത്യമായ ഇടവേളകളിൽ പരിശോധനകൾ നടത്തി തൊഴിലാളികളുടെ ക്ഷേമം ഉറപ്പുവരുത്തുമെന്നും മന്ത്രാലയം പത്രക്കുറിപ്പിലൂടെ അറിയിച്ചു.
