April 07, 2022
April 07, 2022
അബുദാബി : ഒരുതവണ ഉപയോഗിച്ച് വലിച്ചെറിയുന്ന പ്ലാസ്റ്റിക്ക് ബാഗുകളെ തുടച്ചുനീക്കാനുള്ള നടപടിയുമായി അബുദാബി. ജൂൺ ഒന്ന് മുതൽ ഇവയ്ക്ക് നിരോധനം ഏർപ്പെടുത്തിയതായി അബുദാബി പരിസ്ഥിതി ഏജൻസി അറിയിച്ചു. 2020 ൽ നടപ്പിലായ ഒറ്റത്തവണ ഉപയോഗ പ്ലാസ്റ്റിക്ക് നയമനുസരിച്ചാണ് നിരോധനം.
നിലവിൽ പ്ലാസ്റ്റിക്ക് ബാഗുകൾക്ക് മാത്രമാണ് നിരോധനമെങ്കിലും, ഏറെ വൈകാതെ പതിനാറോളം പ്ലാസ്റ്റിക്ക് ഉത്പന്നങ്ങൾ നിരോധിച്ചേക്കുമെന്ന സൂചനയും അധികൃതർ നൽകി. പരിസ്ഥിതിയെ സംരക്ഷിച്ചുകൊണ്ടുള്ള സുസ്ഥിരവികസനത്തിലേക്ക് മുന്നേറുന്നതിന്റെ ഭാഗമായാണ് അബുദാബി പ്ലാസ്റ്റിക്കിനെ പടികടത്തുന്നത്. നേരത്തെ, കുടിവെള്ളത്തിന്റെ കുപ്പികൾ വെൻഡിങ് മെഷീനിൽ നിക്ഷേപിച്ച്, പകരം ബസ് ടിക്കറ്റ് നൽകുന്ന നൂതനപദ്ധതിയും രാജ്യത്ത് ആരംഭിച്ചിരുന്നു.
