July 04, 2021
July 04, 2021
ദോഹ:വേനല്‍ക്കാലത്തെ തൊഴില്‍ നിയമങ്ങള്‍ പാലിക്കാതെ തൊഴിലാളികളെക്കൊണ്ട് ജോലി ചെയ്യിച്ചതിന് ഖത്തറില്‍ 232 വര്‍ക്ക് സൈറ്റുകള്‍ അധികൃതര്‍ അടപ്പിച്ചു. ഇക്കഴിഞ്ഞ ജൂണ് മാസത്തില്‍ മാത്രമാണ് ഇത്രയും നടപടികളുണ്ടായത്.പൊള്ളുന്ന ചൂടില്‍ തുറന്ന സ്ഥലത്ത് പുറംതൊഴില്‍ നിരോധന നിയമം ലംഘിച്ച് തൊഴിലാളികളെകൊണ്ട് പണിയെടുപ്പിച്ചതിന്റെ പേരില്‍ 232 വര്‍ക്ക് സൈറ്റുകള്‍ 3 ദിവസത്തേക്കാണ് അടച്ചുപൂട്ടല്‍ ശിക്ഷയ്ക്ക് വിധേയമാക്കിയത്. എല്ലാ കമ്പനികളും കരാര്‍ മേഖലയില്‍ പ്രവര്‍ത്തിക്കുന്നവയാണ്.ജൂണ് 1 മുതല്‍ സെപ്റ്റംബര്‍15 വരെയുള്ള വേനല്‍ കാലയളവില്‍ രാവിലെ 10 മുതല്‍ ഉച്ച കഴിഞ്ഞ് 3.30 വരെ പുറം മേഖലയിലെ തൊഴില്‍ നിരോധിച്ചുകൊണ്ടുള്ള നിയമമാണ് നിലവിലുള്ളത്. ഇതിനു പുറമേ പരിശോധകര്‍ക്ക് കാണാവുന്ന വിധത്തില്‍ തൊഴിലാളികള്‍ക്കുള്ള നിര്‍ദ്ദേശങ്ങള്‍ പ്രദര്‍ശിപ്പിക്കണമെന്ന നിബന്ധനയും ഉണ്ട്.
