November 18, 2020
November 18, 2020
ദോഹ : പത്താമത് ഖത്തർ പരമ്പരാഗത പായ്കപ്പൽ പ്രദർശനത്തിന് ഡിസംബർ ഒന്നിന് കത്താറാ കൾച്ചറൽ വില്ലേജിൽ തുടക്കമാവും.വിവിധ രാജ്യങ്ങളിൽ നിന്നുള്ള പായ്കപ്പലുകളും അനുബന്ധ ഉത്പന്നങ്ങളുമാണ് പ്രദർശനത്തിൽ ഉണ്ടാവുക.പ്രദർശനം ഡിസംബർ അഞ്ചു വരെ നീളും.ഉരു മേളയോടനുബന്ധിച്ച് വിവിധ സാംസ്‌കാരിക പരിപാടികളും മറ്റു പ്രദർശനങ്ങളും സംഘടിപ്പിക്കാറുണ്ട്.
കടൽ സഞ്ചാരവുമായി ബന്ധപ്പെട്ട ഖത്തറിന്റെ പൈതൃകവും പാരമ്പര്യവും പുതിയ തലമുറയെ പരിചയപ്പെടുത്താനും അയൽ രാജ്യങ്ങളുമായി പങ്കുവെക്കാനും ലക്ഷ്യമാക്കിയാണ് എല്ലാ വർഷവും പ്രദർശനം സംഘടിപ്പിക്കാറുള്ളത്. കഴിഞ്ഞ വർഷത്തെ പ്രദർശനം പതിനഞ്ചു ദിവസം നീണ്ടുനിന്നിരുന്നു.ഖത്തറിന് പുറമെ,കുവൈത്ത്,ഒമാൻ,ഇറാഖ്,ഇറാൻ,തുർക്കി,ഇന്ത്യ,ഗ്രീസ്,സ്‌പെയിൻ,ഇറ്റലി,സാനിബാർ തുടങ്ങി പതിനൊന്നോളം രാജ്യങ്ങളാണ് കഴിഞ്ഞ തവണത്തെ പ്രദർശനത്തിൽ പങ്കെടുത്തത്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക.
