August 01, 2020
August 01, 2020
കുവൈത്ത് സിറ്റി / റിയാദ് : ഗൾഫിൽ ഇന്ന് രണ്ടു മലയാളികൾ കൂടി കോവിഡ് ബാധിച്ച് മരിച്ചു. കോഴിക്കോട് കൂരാച്ചുണ്ട് സ്വദേശി വാഴേപറമ്പിൽ സുനിൽ കുമാർ (38) കുവൈത്തിലാണ് മരിച്ചത്. കോവിഡ് ബാധിച്ച് ഒന്നരമാസത്തോളമായി ചികിത്സയിലായിരുന്നു. ഇന്ന് പുലർച്ചെ ജാബിർ ആശുപത്രിയിൽ ആയിരുന്നു അന്ത്യം.ഗ്ലോബല്‍ ഇന്റര്‍നാഷണല്‍ കമ്ബനിയിലെ ജോലിക്കാരനായിരുന്നു . ഭാര്യ ഗോപിക. ഇതോടെ കുവൈത്തിൽ കോവിഡ് ബാധിച്ച് മരിച്ച മലയാളികളുടെ എണ്ണം 54 ആയി.
ഹംസ
വയനാട് പൊഴുതന മുത്താരുകുന്ന് സ്വദേശി തെങ്ങുംതൊടി ഹംസ (55) സൗദിയിലെ അൽ ഖർജിലാണ് മരിച്ചത്. കിങ് ഖാലിദ് ആശുപത്രിയില്‍ ചികിത്സയിലിരിക്കെയായിരുന്നു അന്ത്യം.അല്‍ഖര്‍ജില്‍ ഡ്രൈവറായി ജോലി ചെയ്യുകയായിരുന്നു.
27 വര്‍ഷമായി സൗദിയിലുള്ള ഇദ്ദേഹം ഒരു വര്‍ഷം മുമ്പാണ് നാട്ടില്‍ പോയി തിരികെ വന്നത്. പിതാവ്: അയമുട്ടി, മാതാവ്: ബിരിയുമ്മ. ഭാര്യമാര്‍: ആയിശ, കുഞ്ഞീരുമ്മ. മക്കള്‍: റൈഹാനത്ത്, നജ്മത്ത്, ജാഫര്‍ സാദിഖ്.
മരുമക്കള്‍: ഷൈജല്‍, അന്‍വര്‍, റസിയ.
ന്യൂസ്‌റൂം വാർത്തകൾക്കുള്ള ഗ്രൂപ്പുകളിൽ ചേരാൻ +974 66200167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
