August 07, 2021
August 07, 2021
ജിദ്ദ: സൗദിയില്‍ ഷോപ്പിങ് മാളുകളിലും സ്വദേശി വത്കരണം. രാജ്യത്തെ മുഴുവന്‍ ഷോപ്പിങ് മാളുകളില്‍ നിന്നും വിദേശികളെ പുറന്തള്ളുകയാണ്. ക്ലീനിങ്, സാധനങ്ങളുടെ ലോഡിങ്, അണ്‍ലോഡിങ്, ബാര്‍ബര്‍ ഷോപ്പ് ജോലി, കളിക്കോപ്പ് ഉപകരണങ്ങളുടെ റിപ്പയറിങ് എന്നീ ജോലികളൊഴികെ ഷോപ്പിങ് മാളുകളിലെ ബാക്കി മുഴുവന്‍ ജോലികളിലുമാണ് 100 ശതമാനം സ്വദേശിവത്കരണം. ഇതോടെ ഈ രംഗത്ത് നിലവില്‍ ജോലി ചെയ്യുന്ന നിരവധി വിദേശികള്‍ക്ക് തൊഴില്‍ നഷ്ടമാകും. പലര്‍ക്കും നാടുകളിലേക്ക് മടങ്ങേണ്ടിവരും. നിയമം നടപ്പാക്കുന്നുണ്ടോ എന്ന് പരിശോധിക്കാന്‍ സൗദി തൊഴില്‍ വകുപ്പിന്റെ റെയ്ഡ് സംഘങ്ങള്‍ രാജ്യത്ത് വിവിധ ഭാഗങ്ങളിലെ മാളുകളില്‍ എത്തിത്തുടങ്ങിയിട്ടുണ്ട്.
