July 03, 2021
July 03, 2021
ജിദ്ദ:യു.എ.ഇ അടക്കം നാലു രാജ്യങ്ങള്‍ക്കു കൂടി സഊദി യാത്രാവിലക്ക് എര്‍പ്പെടുത്തി. ഇവിടങ്ങളിലേക്ക് സഊദി പൗരന്‍മാര്‍ യാത്രചെയ്യുന്നതും വിലക്കിയിട്ടുണ്ട്. എത്യോപ്യ, വിയറ്റ്‌നാം, അഫ്ഗാനിസ്താന്‍ എന്നിവയാണ് മറ്റു രാജ്യങ്ങള്‍. ഇവിടങ്ങളില്‍ നിന്നുള്ള വിമാനങ്ങള്‍ക്കും വിലക്ക് എര്‍പ്പെടുത്തിയിട്ടുണ്ട്. കൊവിഡ് വ്യാപനവും അതിന്റെ ജനിതകമാറ്റവും കാരണമാണ് സഊദി കൂടുതല്‍ ജാഗ്രതപ്പെടുന്നത്. സഊദിയിലേക്ക് ഇന്ത്യക്ക് യാത്രാവിലക്കുള്ളതിനാല്‍ മലയാളികള്‍ ഉള്‍പ്പെടെ പ്രവാസികള്‍ ആഫ്രിക്കന്‍ രാജ്യങ്ങളില്‍ പോയി സഊദിയിലേക്ക് പോകാറുണ്ടായിരുന്നു.എന്നാല്‍ ഇതും ഇപ്പോള്‍ മുടങ്ങയിരിക്കയാണ്. നാലു രാജ്യങ്ങളില്‍ ഇപ്പോള്‍ ഉള്ള സഊദികള്‍ 14 ദിവസ ക്വാറന്റയിന്‍ കഴിഞ്ഞു മാത്രമേ രാജ്യത്തേക്ക് പ്രവേശിക്കാവൂ എന്ന നിബന്ധനയും നല്‍കിയിട്ടുണ്ട്.
