January 03, 2021
January 03, 2021
ജിദ്ദ: ജനൈതക മാറ്റം സംഭവിച്ച കൊറോണാ വൈറസിന്റെ പശ്ചാത്തലത്തിൽ അടച്ചിട്ട എല്ലാ അതിര്‍ത്തികളും സൗദി അറേബ്യ ഇന്ന് തുറക്കും. രാവിലെ 11 മുതല്‍ സൗദിയിലേക്ക് വിമാനങ്ങള്‍ക്ക് പ്രവേശിക്കാം. ജനിതക മാറ്റം സംഭവിച്ച കോവിഡ് കണ്ടെത്തിയ രാജ്യങ്ങളില്‍ നിന്നുള്ളവര്‍ക്ക് നിയന്ത്രണമുണ്ട്. അവര്‍ സൗദിയിലെത്തിയാല്‍ 14 ദിവസം ക്വാറന്‍റൈനില്‍ കഴിയണം.
രണ്ടാഴ്ച മുന്‍പാണ് അതിവേഗ വൈറസ് കണ്ടെത്തിയതിന്‍റെ പശ്ചാത്തലത്തില്‍ സൗദി അതിര്‍ത്തികള്‍ അടച്ചിട്ടത്. ഇനി കോവിഡ് പ്രോട്ടോകോള്‍ പാലിച്ചു കൊണ്ട് സ്വദേശികള്‍ക്കും വിദേശികള്‍ക്കും രാജ്യത്തേക്ക് പ്രവേശിക്കാം. കര, നാവിക, വ്യോമ അതിര്‍ത്തികളെല്ലാം സൗദി തുറക്കുകയണ്.
എന്നാല്‍ ഇന്ത്യയിലേക്ക് നേരിട്ടുള്ള സര്‍വീസ് സംബന്ധിച്ച്‌ വ്യക്തത വന്നിട്ടില്ല. ഇക്കാര്യത്തില്‍ ഉടന്‍ തീരുമാനമുണ്ടായേക്കും.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക
