March 13, 2021
March 13, 2021
തായിഫ് : സൗദിയിലെ തായിഫ് റോഡിൽ ഭാര്യയെ കൊലപ്പെടുത്തിയ ശേഷം ഭർത്താവ് ട്രെയിലറിന് മുന്നിൽ ചാടി ആത്മഹത്യ ചെയ്തു.റോഡ് സൈഡിൽ നിർത്തിയിട്ട കാറിൽ തീ പടർന്നുപിടിക്കുന്നത് യാത്രക്കാരുടെ ശ്രദ്ധയിൽ പെടുകയായിരുന്നു.ഇവർ വാഹനങ്ങൾ നിർത്തി ഓടിയെത്തിയപ്പോഴാണ് കാറിന്റെ മുൻസീറ്റിൽ യുവതിയെ കണ്ടെത്തിയത്.യുവതിയെ സാഹസികമായി കാറിൽ നിന്ന് പുറത്തിറക്കി രക്ഷിക്കാൻ ശ്രമിച്ചെങ്കിലും മരിച്ചിരുന്നു.ഈ സമയത്തു തന്നെയാണ് ഭർത്താവ് ട്രെയിലറിന് മുന്നിൽ ചാടിയത്.ഇയാൾ പിന്നീട് ആശുപത്രിയിൽ മരിച്ചു.
യുവതിയുടെ ശരീരത്തിൽ മർദനമേറ്റതിന്റെ പാടുകളുണ്ട്.യുവതിയെ കൊലപ്പെടുത്തിയതിന് ശേഷം കാറിലിരുത്തി തീകൊളുത്തുകയായിരുന്നുവെന്നാണ് നിഗമം.കാറിന് സമീപത്തായി ഒന്നര വയസ്സും രണ്ടു മാസവും വീതം പ്രായമുള്ള രണ്ടു കുട്ടികളെയും കണ്ടെത്തിയിട്ടുണ്ട്.സംഭവത്തിൽ സുരക്ഷാ വിഭാഗം അന്വേഷണം തുടങ്ങിയിട്ടുണ്ട്.
ന്യൂസ്‌റൂം വാർത്തകൾക്കും തൊഴിൽ പരസ്യങ്ങൾ നൽകാനും +974 6620 0167 എന്ന വാട്സ്ആപ് നമ്പറിൽ സന്ദേശമയക്കുക.
