January 31, 2023
January 31, 2023
ന്യൂസ്റൂം ബ്യുറോ
ജിദ്ദ :സൗദിയിലെ അല്ഖുറയാത്തില് വീടിന് തീപിടിച്ച് പിതാവും ആറു കുട്ടികളും മരിച്ചു. മാതാവിന് ഗുരുതരമായി പരിക്കേറ്റു. തസ്ഹീലാത്ത് സ്ട്രീറ്റില് ഇന്ന് പുലര്ച്ചെ 4.54നാണ് സംഭവം.
ഖുറയാത്ത് പെട്രോളിംഗ് പോലീസ് വിവരമറിച്ചതിനെ തുടര്ന്ന് സംഭവസ്ഥലത്തെത്തിയ സിവില് ഡിഫന്സ് വീട്ടിനുള്ളില് നിന്ന് നാല് പേരെ പൊള്ളലേറ്റ് ഗുരുതരാവസ്ഥയില് ആശുപത്രിയിലെത്തിച്ചു. അവരില് മൂന്നു പേര് പിന്നീട് മരിക്കുകയായിരുന്നു..തുടർന്ന് നടത്തിയ പരിശോധനയില് ഒരു മുറിയിൽ നിന്ന് മൂന്നു കുട്ടികളുടെയും ഒരു പുരുഷന്റെയും മൃതദേഹങ്ങള് കണ്ടെത്തുകയായിരുന്നുവെന്ന് സിവില് ഡിഫന്സ് വക്താവ് കാപ്റ്റന് അബ്ദുറഹ്മാന് അല്ദുവൈഹി പറഞ്ഞു.
പ്രാഥമിക പരിശോധനയില് താഴെ നിലയിലെ കുട്ടികള്ക്കുള്ള കിടപ്പുമുറിയില് നിന്നാണ് തീ പടര്ന്നതെന്ന് കണ്ടെത്തി. അല് ഫൈസലിയ പൊലീസ് അന്വേഷണം നടത്തിവരികയാണ്.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/CZ8evyItpDFGmuyTIzjnaL എന്ന ലിങ്കിൽ ജോയിൻ ചെയ്യുക