September 22, 2022
September 22, 2022
ന്യൂസ്‌റൂം സ്പോർട്സ് ഡെസ്‌ക്
ലിസ്ബൺ, പോർച്ചുഗൽ: ഈ വർഷത്തെ ഖത്തർ ഫിഫ ലോകകപ്പ് ക്രിസ്റ്റ്യാനോ റൊണാൾഡോയുടെ അവസാന ലോകകപ്പായിരിക്കില്ലെന്ന് ഉറപ്പായി.ഖത്തറിൽ നടക്കുന്ന ലോകകപ്പോടെ ഡിസംബറിൽ അന്താരാഷ്ട്ര ഫുട്‌ബോളിൽ നിന്ന് വിരമിക്കുന്നതിനെക്കുറിച്ച് ആലോചിക്കുന്നില്ലെന്നും 2024 യൂറോപ്യൻ ചാമ്പ്യൻഷിപ്പിലും കളിക്കാൻ പദ്ധതിയുണ്ടെന്നും 37 കാരനായ പോർച്ചുഗൽ താരം പറഞ്ഞു.
“ഞാൻ ഇപ്പോഴും എന്റെ സഹതാരങ്ങൾക്ക് വലിയ പ്രചോദനമാണ്..എന്റെ ആഗ്രഹങ്ങൾ വളരെ ഉയരത്തിലാണ്.ഒരുപാട് യുവതാരങ്ങളുള്ള ഒരു ദേശീയ ടീമിലാണ് ഞാൻ കളിക്കുന്നത്. ലോകകപ്പിലും യൂറോകപ്പിലും ആ പ്രതിജ്ഞാബദ്ധത എനിക്ക് നിറവേറ്റണം.”.തന്റെ സ്‌കോറിംഗ് നേട്ടങ്ങൾ പോർച്ചുഗീസ് സോക്കർ ഫെഡറേഷൻ അംഗീകരിച്ചതിന് പിന്നാലെ ചൊവ്വാഴ്ച നടന്ന ഒരു പരിപാടിയിൽ റൊണാൾഡോ പറഞ്ഞു.
ഈ വർഷം തുടക്കത്തിൽ ഖത്തറിൽ നടക്കുന്ന ലോകകപ്പ് അവസാനത്തേതായിരിക്കുമോ എന്ന ചോദ്യത്തിന് വിരമിക്കൽ ചർച്ചകൾ ഇപ്പോഴില്ലെന്ന് റൊണാൾഡോ മറുപടി നൽകിയിരുന്നു.117 അന്താരാഷ്ട്ര ഗോളുകൾ സ്വന്തമാക്കി എക്കാലത്തെയും റെക്കോർഡ് നിലനിർത്തിയാണ് ഇത്തവണ റൊണാൾഡോ ലോകകപ്പിനായി ഖത്തറിലെ സ്റ്റേഡിയങ്ങളിൽ ബൂട്ടണിയുന്നത്.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/JSu55PzLuSjIOAiVOpZz2i എന്ന ലിങ്കിൽ ജോയിൻ ചെയ്യുക
