December 10, 2022
December 10, 2022
ന്യൂസ്റൂം ബ്യുറോ
ദോഹ: ഫിഫ ലോകകപ്പിൽ അവിശ്വസനീയമായ പിന്തുണ നൽകിയ ഖത്തറിലെ ആരാധകരെ പോർച്ചുഗൽ ക്യാപ്റ്റൻ ക്രിസ്റ്റ്യാനോ റൊണാൾഡോ അഭിനന്ദിച്ചു.
ലോകകപ്പിന്റെ ക്വാർട്ടർ ഫൈനലിൽ പോർച്ചുഗൽ ഇന്ന് മൊറോക്കോയുമായി ഏറ്റുമുട്ടാനിരിക്കെയാണ് പോർച്ചുഗലിനായി ഏറ്റവും കൂടുതൽ മത്സരങ്ങൾ കളിച്ച താരവും ലീഡ് സ്കോററുമായ റൊണാൾഡോ ആരാധകർക്ക് നന്ദി അറിയിക്കാനെത്തിയത്.
"പോർച്ചുഗൽ ഇതിനകം നേടിയ ഒരു ലോകകപ്പ് ഉണ്ട്:അത് ആരാധകരുടേതാണ്.! ഖത്തറിലെ നിരവധി പോർച്ചുഗീസുകാരിൽ നിന്ന് മാത്രമല്ല,സ്വന്തം നാട്ടിൽ നിന്നും വളരെ അകലെ ഖത്തറിൽ ഞങ്ങൾക്ക് ലഭിച്ച പിന്തുണയും വാത്സല്യവും അവിശ്വസനീയമാണ്"-അദ്ദേഹം ട്വീറ്റ് ചെയ്തു.നല്ലതും മോശവുമായ സമയങ്ങളിൽ തങ്ങളെ പിന്തുണയ്ക്കുന്നത് തുടരണമെന്നും വിജയം സമ്മാനിക്കുന്നതിന്ഞ ആവശ്യമായതെല്ലാം ചെയ്യുമെന്നും അദ്ദേഹം ആരാധകർക്ക് ഉറപ്പുനൽകി.
ഇന്ന് വൈകുന്നേരം ഖത്തർ സമയം 6 മണിക്ക് അൽ തുമാമ സ്റ്റേഡിയത്തിലാണ് പോർച്ചുഗൽ-മൊറോക്കോ മൽസരം.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/GNnAPz2ISv601MKXQvNitL എന്ന ലിങ്കിൽ ജോയിൻ ചെയ്യുക