July 03, 2023
July 03, 2023
ന്യൂസ്റൂം സ്പോർട്സ് ഡെസ്ക്
ദോഹ : കോണ്കാകാഫ് ഗോള്ഡ് കപ്പില് ശക്തരായ മെക്സിക്കോയെ ഏകപക്ഷീയമായ ഒരു ഗോളിന് അട്ടിമറിച്ച് ഖത്തർ നേട്ടം സ്വന്തമാക്കി. ആദ്യപകുതിയിലെ 27ാം മിനുട്ടില് തന്നെ ഗോള് നേടാന് മെക്സിക്കോയുടെ വല കുലുക്കിയാണ് ഖത്തർ വിജയം സ്വന്തമാക്കിയത്.
മുസ്അബ് ഖിള്റിന്റെ ക്രോസ്സില് ഹാസിം ശെഹദയാണ് ഹെഡറിലൂടെ ഗോള് നേടിയത്. മത്സരത്തില് ബഹുഭൂരിപക്ഷം സമയവും മെക്സിക്കന് താരങ്ങളുടെ കാലുകളിലായിരുന്നു പന്തെങ്കിലും ഗോളടിക്കാന് അവര്ക്കായില്ല. ഗോള്ഡ് കപ്പില് ഖത്തറിന്റെ ആദ്യ ജയം കൂടിയാണിത്.
അതേസമയം, മറ്റ് മത്സരങ്ങളില് അമേരിക്ക ഏകപക്ഷീയമായ ആറ് ഗോളുകള്ക്ക് ട്രിനിഡാഡ് ആന്ഡ് ടൊബാഗൊയെ പരാജയപ്പെടുത്തി. ജീസസ് ഫെരേര ഹാട്രിക് ഗോള് നേടി. ജമൈക്ക എതിരില്ലാത്ത അഞ്ച് ഗോളിന് സെന്റ്.കിറ്റിസ് ആന്ഡ് നെവിസിനെയും ഒന്നിനെതിരെ രണ്ട് ഗോളുകള്ക്ക് ഹെയ്തിയെ ഹോണ്ടുറാസും പരാജയപ്പെടുത്തി.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/GjQM19221WxKnWo2cdbsZe