July 29, 2023
July 29, 2023
ന്യൂസ്‌റൂം സ്പോർട്സ് ഡെസ്‌ക് / ഫോട്ടോ : സലിം മത്രംകോട്-ദി പെനിൻസുല
ദോഹ: ഖത്തറിലെ വോളിബോൾ ആരാധകർക്ക് സുന്ദരമായ വോളിബാള്‍ അനുഭവങ്ങൾ സമ്മാനിച്ച്‌ വേള്‍ഡ് ചലഞ്ചര്‍ കപ്പ് വോളിബാള്‍ ചാമ്പ്യൻഷിപ്പിന് വെള്ളിയാഴ്ച തുടക്കമായി.
ആദ്യ ദിനത്തിലെ പോരാട്ടത്തിൽ ചിലിക്കും യുക്രെയ്നും ആതിഥേയരായ ഖത്തറിനും തകര്‍പ്പൻ ജയം. ആസ്പയര്‍ സ്പോര്‍ട്സ് ഹാളില്‍ ആരംഭിച്ച ടൂര്‍ണമെന്റിന്റെ മൂന്നാം അങ്കത്തില്‍ ഖത്തര്‍ തായ്ലൻഡിനെ കീഴടക്കി.
നേരിട്ടുള്ള മൂന്നു സെറ്റിന് ജയിച്ചെങ്കിലും ഇഞ്ചോടിഞ്ച് പോരാട്ടത്തിന് ശേഷമാണ് 26-24, 25-23, 26-24 സ്കോറിന് ഖത്തർ ജയം സ്വന്തമാക്കിയത്.വെള്ളിയാഴ്ച രാവിലെ നടന്ന ഉദ്ഘാടന മത്സരത്തില്‍ തെക്കനമേരിക്കൻ കരുത്തരായ ചിലി 3-0ന് തുനീഷ്യയെ തകർത്തു.തൊട്ടുപിന്നാലെ നടന്ന മത്സരത്തില്‍ ചൈനീസ് വെല്ലുവിളിയെ നാലു സെറ്റ് മത്സരത്തില്‍ കീഴടക്കി യുക്രെയ്നും സെമിയിലേക്ക് കടന്നു.
ശനിയാഴ്ചത്തെ സെമി ഫൈനലില്‍ ഖത്തര്‍ ചിലിയെ നേരിടും. വൈകീട്ട് നാലിനാണ് മത്സരം.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/IkqmkUPd0fhGs9abNGXONm
