January 18, 2023
January 18, 2023
ന്യൂസ്റൂം ബ്യുറോ
ദോഹ : ഖത്തർ ലോകകപ്പ് ചാമ്പ്യൻ ലയണൽ മെസ്സി ഉൾപ്പെടെയുള്ള പാരീസ് സെന്റ് ജെർമെൻ താരങ്ങൾ ദോഹയിലെത്തി.ബ്രസീലിന്റെ നെയ്മറും ഫ്രാൻസ് ലോകകപ്പ് താരം കൈലിയൻ എംബാപ്പെയും അടങ്ങുന്ന പാരീസ് സെന്റ് ജെർമെയ്ന്റെ താരനിര ശീതകാല പര്യടനത്തിനായാണ് ദോഹയിൽ എത്തിയത്. ഇന്ന് വെളുപ്പിന് ഖത്തർ എയർവേയ്സ് വിമാനത്തിലാണ് താരങ്ങൾ പുലർച്ചെ എത്തിയത്.
ഖലീഫ സ്റ്റേഡിയത്തിൽ ഇന്ന് വൈകുന്നേരം ടീം പരിശീലനം നടത്തും.പരിശീലന മൽസരം കാണാൻ പൊതുജനങ്ങൾക്കും പ്രവേശനം അനുവദിച്ചിട്ടുണ്ട്.വൈകുന്നേരം ഖത്തർ സമയം 6.30 നാണ് പരിശീലന മത്സരം.അതേസമയം പി.എസ്.ജി താരങ്ങളെ നേരിൽ കാണാനുള്ള മുഴുവൻ ടിക്കറ്റുകളും വിറ്റുതീർന്നതായി ക്യൂ ടിക്കറ്റ് അറിയിച്ചു.
ഖത്തറിലെ പരിശീലനത്തിന് ശേഷം പി.എസ്.ജി താരങ്ങൾ സൗദിയിലേക്ക് തിരിക്കും.നാളെ റിയാദിൽ ക്രിസ്റ്റ്യാനോ റൊണാൾഡോ നയിക്കുന്ന സൗദിയിലെ മുൻനിര ക്ലബ്ബുകളായ അൽ ഹിലാൽ, അൽ-നാസർ സംയുക്ത ഓൾ-സ്റ്റാർ ഇലവനെ പി.എസ്.ജി നേരിടും.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/JSu55PzLuSjIOAiVOpZz2i എന്ന ലിങ്കിൽ ജോയിൻ ചെയ്യുക