June 29, 2020
June 29, 2020
റിയാദ്: കോവിഡ് ബാധിച്ച്‌ സൗദി അറേബ്യയില്‍ ഒരു മലയാളി കൂടി മരിച്ചു. കോട്ടയം ഏറ്റുമാനൂര്‍ സ്വദേശി തുമ്പയിൽ ഇഖ്ബാല്‍ റാവുത്തര്‍ (67) ആണ് റിയാദിലെ കിങ് ഫഹദ് മെഡിക്കല്‍ സിറ്റിയില്‍ തിങ്കളാഴ്ച മരിച്ചത്. അസുഖ ബാധിതനായി രണ്ടാഴ്ചയായി ഇവിടെ ചികിത്സയിലായിരുന്നു.
24 മണിക്കൂറിനിടെ സൗദിയിൽ മരണപ്പെടുന്ന നാലാമത്തെ മലയാളിയാണ് ഇദ്ദേഹം.കഴിഞ്ഞ 36 വര്‍ഷമായി റിയാദിലുണ്ടായിരുന്ന ഇദ്ദേഹം സൗദി കണ്‍സള്‍ട്ടന്‍റ് കമ്പനിയിൽ ഇന്‍റര്‍നാഷനല്‍ സ്റ്റാന്‍ഡേര്‍ഡ്സ് ഓര്‍ഗനൈസേഷന്‍ (ഐ..എസ്.ഒ) സ്പെഷ്യലിസ്റ്റായി പ്രവര്‍ത്തിക്കുകയായിരുന്നു. സൗദിയിലെത്തുന്നതിന് മുമ്പ് കേരളത്തില്‍ മലബാര്‍ സിമൻറ്സിൽ ഉദ്യോഗസ്ഥനായിരുന്നു. തുമ്പയിൽ മുഹമ്മദ് ഖനി രാവുത്തരാണ് പിതാവ്
ഭാര്യമാർ: ഫാത്വിമ ബീവി, സഫിജ. മക്കൾ: എൻജി. ഫെബിന ഇഖ്ബാൽ (ടെക്നോപാർക്ക്), റയാൻ ഇഖ്ബാൽ (റിയാദ് മോഡേൺ സ്കൂളിൽ എട്ടാം ക്ലാസ് വിദ്യാർഥി). സാമൂഹിക പ്രവർത്തകൻ കൂടിയായിരുന്ന ഇഖ്ബാൽ രാവുത്തർ റിയാദ് ഇന്ത്യൻ അേസാസിയേഷെൻറ സജീവ പ്രവർത്തകനും ഭാരവാഹിയുമായിരുന്നു.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
