April 15, 2024
April 15, 2024
അബുദാബി: യു.എ.ഇയിൽ മഴ തുടരുന്നു. കാലാവസ്ഥ പ്രവചനത്തെ തുടർന്ന് ദുബായ് മുനിസിപ്പാലിറ്റി സുരക്ഷാ മാർഗനിർദേശങ്ങൾ പുറപ്പെടുവിച്ചു. മുനിസിപ്പാലിറ്റിയുടെ സോഷ്യൽ മീഡിയ അക്കൗണ്ടുകളിലൂടെയാണ് മാർഗനിർദേശങ്ങൾ പുറത്തിറക്കിയത്.
മാർഗ്ഗനിർദ്ദേശങ്ങൾ:
• വീടിനുള്ളിലെ ഇലക്ട്രിക്കൽ കണക്ഷനുകൾ സുരക്ഷിതമാക്കുക
• മഴക്കുഴികൾ വൃത്തിയാക്കുക
• മഴവെള്ള ശേഖരണം വറ്റിക്കാൻ നിയുക്ത മഴവെള്ള ഡ്രെയിനുകൾ ഉപയോഗിക്കുക
• മഴവെള്ളം ഒഴുകിപ്പോകാൻ മലിനജല ഓടകൾ തുറക്കുന്നതും ഉപയോഗിക്കുന്നതും ഒഴിവാക്കുക
• ഔട്ട്ഡോർ ഫർണിച്ചറുകൾ സുരക്ഷിതമായി ഉറപ്പിക്കുക
• ബാൽക്കണിയിൽ നിന്ന് ഉപകരണങ്ങൾ നീക്കം ചെയ്യുക
• മരങ്ങൾ, അസ്ഥിരമായ ബോർഡുകൾ, നിർമ്മാണ സൈറ്റുകൾ എന്നിവയിൽ നിന്ന് അകന്നു നിൽക്കുക
അടിയന്തര സാഹചര്യങ്ങളിൽ പൊതുജനങ്ങൾക്ക് കോൾ സെൻ്റർ (800900) നമ്പറിലേക്കോ അല്ലെങ്കിൽ വാട്ട്സ്ആപ്പ് (+971800900) നമ്പറിലേക്കോ ബന്ധപ്പെടാമെന്നും മുനിസിപ്പാലിറ്റി കൂട്ടിച്ചേർത്തു.
അതേസമയം, യുഎഇയിൽ അസ്ഥിരമായ കാലാവസ്ഥയെ തുടർന്ന് സ്വകാര്യ മേഖലാ കമ്പനികളോട് പ്രവർത്തനം താൽക്കാലികമായി നിർത്തിവയ്ക്കുകയോ, അല്ലെങ്കിൽ ആവശ്യമായ മുൻകരുതലുകൾ എടുക്കണമെന്നും മാനവ വിഭവശേഷി, എമിറേറ്റൈസേഷൻ മന്ത്രാലയം (MoHRE) ആവശ്യപ്പെട്ടു. തൊഴിലാളികളുടെ ആരോഗ്യവും സുരക്ഷിതത്വവും ഉറപ്പാക്കാനും, തൊഴിൽപരമായ ആരോഗ്യ സുരക്ഷാ ആവശ്യകതകൾ പാലിക്കണമെന്നും തൊഴിലുടമകളോട് അധികൃതർ ആവശ്യപ്പെട്ടു. ഓരോ എമിറേറ്റിലെയും ബന്ധപ്പെട്ട പ്രാദേശിക അധികാരികൾ നൽകുന്ന നിർദ്ദേശങ്ങൾ കമ്പനികൾ പാലിക്കണമെന്നും അധികൃതർ കൂട്ടിച്ചേർത്തു.
For your safety during rain and changing weather in Dubai, follow our safety guidelines & adhere to various measures to expedite rainwater drainage & reduce resulting gatherings. Reach out to us via 800900 or WhatsApp for emergencies. Your safety, our priority. #DubaiMunicipality pic.twitter.com/6JlOnkYmNm
— بلدية دبي | Dubai Municipality (@DMunicipality) April 15, 2024
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/Iq3CVicSDrS1LvIBvvkToc
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F