December 26, 2023
December 26, 2023
ജിദ്ദ - സൗദിയിലെ ഭൂരിഭാഗം പ്രവിശ്യകളിലും ഇന്ന് (ചൊവ്വ) മുതല്‍ ശനിയാഴ്ച വരെയുള്ള ദിവസങ്ങളില്‍ ശക്തമായ മഴക്ക് സാധ്യതയുണ്ടെന്ന് ദേശീയ കാലാവസ്ഥാ നിരീക്ഷണ കേന്ദ്രം അറിയിച്ചു. മണിക്കൂറില്‍ 60 കിലോമീറ്ററില്‍ കൂടുതല്‍ വേഗതയിലുള്ള കാറ്റും പൊടിക്കാറ്റും ഉണ്ടാകും.
മക്ക പ്രവിശ്യയില്‍ പെട്ട മക്ക, തായിഫ്, ജിദ്ദ, ലൈത്ത്, ബഹ്‌റ, ജുമൂം, അല്‍കാമില്‍, അദം, അല്‍അര്‍ദിയാത്ത്, മൈസാന്‍, ഖുലൈസ് എന്നിവിടങ്ങളില്‍ ഇന്ന് വൈകുന്നേരം മുതല്‍ വ്യാഴം (ഡിസംബർ 28) വരെയുള്ള ദിവസങ്ങളില്‍ മഴക്ക് സാധ്യതയുണ്ട്. തുടർന്ന് രണ്ടു ദിവസം (വെള്ളി,ശനി) മഴ കൂടുതല്‍ ശക്തി പ്രാപിക്കും. മക്ക പ്രവിശ്യയില്‍ പെട്ട തുര്‍ബ, അല്‍മോയ, അല്‍ഖുര്‍മ, റനിയ, ഖുന്‍ഫുദ എന്നിവിടങ്ങളില്‍ നാളെ (ബുധന്‍) മുതല്‍ വെള്ളി (ഡിസംബർ 29) വരെ ഇടത്തരം ശക്തിയിലുള്ള മഴക്ക് സാധ്യതയുണ്ട്.
മദീന പ്രവിശ്യയില്‍ പെട്ട മദീന, മഹ്ദുദ്ദഹബ്, അല്‍ഹാനാകിയ, ഖൈബര്‍, അല്‍ഉല, വാദി അല്‍ഫറ എന്നിവിടങ്ങളില്‍ ഇന്ന് വൈകുന്നേരം മുതല്‍ വ്യാഴം വരെ മഴക്ക് സാധ്യതയുണ്ട്. ബുധന്‍, വ്യാഴം ദിവസങ്ങളില്‍ ഈ സ്ഥലങ്ങളിൽ കൂടുതല്‍ ശക്തമായ മഴ പെയ്യാന്‍ സാധ്യതയുണ്ട്. മദീന പ്രവിശ്യയില്‍ പെട്ട യാമ്പു, അല്‍അയ്‌സ്, ബദ്ര്‍ എന്നിവിടങ്ങളിലും ഇന്ന് മുതല്‍ വ്യാഴം വരെ മഴയുണ്ടാകും.
ഹായില്‍ പ്രവിശ്യയില്‍ പെട്ട ഹായില്‍, അല്‍ഗസാല, അല്‍ശംലി, അല്‍ഹായിത്, അല്‍ശനാന്‍, ബഖ്ആ, സുമൈറാ, അല്‍സുലൈമി, മൗഖഖ് എന്നിവിടങ്ങളില്‍ ഇന്ന് വൈകുന്നേരം മുതല്‍ വെള്ളി വരെ മഴയുണ്ടാകും. ബുധന്‍, വ്യാഴം ദിവസങ്ങളില്‍ മഴ ശക്തിപ്രാപിക്കും. അല്‍ഖസീം പ്രവിശ്യയില്‍ പെട്ട ബുറൈദ, ഉനൈസ, അല്‍ബുകൈരിയ, അല്‍അസ്‌യാഹ്, രിയാദ് അല്‍ഖബ്‌റാ, ഉഖ്‌ലത്തുസ്സുഖൂര്‍, അല്‍ബദായിഅ്, അല്‍റസ്, അല്‍നബ്ഹാനിയ, ദര്‍യതുല്‍മിദ്‌നബ്, ഉയൂനുല്‍ജവാ, അല്‍ശുമാസിയ എന്നിവിടങ്ങളില്‍ ഇന്ന് വൈകുന്നേരം മുതല്‍ ശനി വരെയും തബൂക്ക് പ്രവിശ്യയില്‍ പെട്ട ഉംലജിലും തൈമായിലും ബുധന്‍, വ്യാഴം ദിവസങ്ങളിലും തബൂക്ക്, ഹഖ്ല്‍, അല്‍ബദ, ദിബാ, അല്‍വജ് എന്നിവിടങ്ങളില്‍ ഇന്നും നാളെയും ഇടത്തരം ശക്തിയിലുള്ള മഴക്ക് സാധ്യതയുണ്ട്.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
