February 15, 2024
February 15, 2024
ദോഹ: 2026 ലോകകപ്പിനുള്ള ഏഷ്യൻ റഫറിമാരുടെ പ്രാഥമിക ലിസ്റ്റ് ഫിഫ പുറത്തു വിട്ടു. ഖത്തറി റഫറിമാരായ അബ്ദുൽ റഹ്മാൻ അൽ ജാസിമും സൽമാൻ ഫലാഹിയും പ്രാഥമിക പട്ടികയിൽ ഇടം നേടി. യുഎസ്എ, കാനഡ, മെക്‌സിക്കോ എന്നീ മൂന്ന് രാജ്യങ്ങൾ ആതിഥേയത്വം വഹിക്കുന്ന 2026 ലോകകപ്പിൽ 48 രാജ്യങ്ങളാണ് പങ്കെടുക്കുന്നത്.
2013 മുതൽ തന്നെ 37 കാരനായ അബ്ദുൽ റഹ്മാൻ അൽ ജാസിം ഫിഫ അന്താരാഷ്ട്ര റഫറിയായി പ്രവർത്തിക്കുന്നുണ്ട്. ദക്ഷിണ കൊറിയയിൽ നടന്ന 2017 ഫിഫ അണ്ടർ-20 ലോകകപ്പ്, റഷ്യയിൽ നടന്ന 2018 ഫിഫ ലോകകപ്പ്, 2019ൽ യു.എ.ഇയിൽ നടന്ന എഎഫ്‌സി ഏഷ്യൻ കപ്പ്, എഎഫ്‌സി ചാമ്പ്യൻസ് ലീഗ്, 2019ൽ ഖത്തറിൽ നടന്ന ഫിഫ ലോകകപ്പ് എന്നീ മത്സരങ്ങളിലും റഫറിയായി പ്രവർത്തിച്ചിട്ടുണ്ട്.
2014 ഫെബ്രുവരിയിൽ നടന്ന ഖത്തർ സ്റ്റാർസ് ലീഗ് മത്സരത്തിലൂടെയാണ് 24 കാരനായ സൽമാൻ ഫലാഹിയുടെ റഫറി യാത്ര ആരംഭിച്ചത്. അതിന് ശേഷം അദ്ദേഹം വിവിധ ദേശീയ മത്സരങ്ങൾ നയിച്ചു. 2017ൽ ഫിഫ റഫറിമാരുടെ പട്ടികയിലും സൽമാൻ ഇടം നേടി. 2021ൽ വീഡിയോ അസിസ്റ്റൻ്റ് റഫറിയാവുകയും ചെയ്തു.
അന്താരാഷ്ട്രതലത്തിൽ, 2022 ഏപ്രിൽ 27-ന് എഎഫ്‌സി ചാമ്പ്യൻസ് ലീഗിൽ അദ്ദേഹം അരങ്ങേറ്റം കുറിച്ചു. അതിന് ശേഷം ഉസ്‌ബെക്കിസ്ഥാനും സൗദി അറേബ്യയും തമ്മിലുള്ള ഫൈനൽ ഉൾപ്പെടെ 2022 അണ്ടർ-23 ഏഷ്യൻ ചാമ്പ്യൻഷിപ്പിലും 2023 ഗൾഫ് കപ്പിലും 2023 അണ്ടർ 20 ലോകകപ്പിലും പ്രവർത്തിച്ചു. 2024-ലെ ഏഷ്യൻ ചാമ്പ്യൻഷിപ്പിലും ഔദ്യോഗികമായി നാമനിർദേശം ചെയ്യപ്പെട്ടിട്ടുണ്ട്.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
