April 02, 2024
April 02, 2024
റിയാദ്- സൗദിയിലെ റിയാദിൽ റമദാന്‍ പ്രമാണിച്ച് ട്രക്കുകള്‍ക്ക് പ്രത്യേക സമയക്രമം നിശ്ചയിച്ചതായി ട്രാഫിക് ഡയറക്ടറേറ്റ് അറിയിച്ചു. ശവ്വാല്‍ അഞ്ച് വരെയാണ് നിയന്ത്രണം. സര്‍വീസ് മേഖലയിലെ ട്രക്കുകള്‍ ഒഴികെ മറ്റു ട്രക്കുകള്‍ക്കാണ് നിയന്ത്രണമേർപ്പെടുത്തിയത്. വൈകുന്നേരം 5 മണി മുതല്‍ പുലര്‍ച്ചെ 1 മണി വരെയാണ് നിയന്ത്രണം.
സര്‍വീസ് ട്രക്കുകള്‍ക്ക് വൈകുന്നേരം 4 മണി മുതല്‍ രാത്രി 11 മണി വരെ നിയന്ത്രണമുണ്ട്. എന്നാല്‍ പുലര്‍ച്ചെ 1 മണി മുതല്‍ വൈകുന്നേരം 4 മണി വരെ എല്ലാ ട്രക്കുകള്‍ക്കും പ്രവേശനം അനുവദിക്കും. അതേസമയം, കിംഗ് സല്‍മാന്‍ റോഡ് മുതല്‍ ദീറാബ് ജംഗ്ഷനിലെ അല്‍ജസാഇര്‍ സ്‌ക്വയര്‍ വരെ ഇരു ഭാഗത്തേക്കും 24 മണിക്കൂറും ട്രക്കുകള്‍ക്ക് പ്രവേശനമില്ല. പ്രത്യേക അനുമതിയുള്ള ട്രക്കുകള്‍ക്ക് ഈ റോഡില്‍ പ്രവേശിക്കാവുന്നതാണ്.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
