January 22, 2024
January 22, 2024
ദോഹ: എ.എഫ്.സി ഏഷ്യൻ കപ്പിൽ ലെബനാനെതിരെ താജികിസ്ഥാൻ (2-1) വിജയിച്ചു. ഇന്ന് (തിങ്കൾ) ജാസിം ബിൻ ഹമദ് സ്റ്റേഡിയത്തിൽ വൈകുന്നേരം 6 മണിക്കായിരുന്നു മത്സരം.
മത്സരത്തിന്റെ 47-ാം മിനിറ്റിൽ ലെബനാനിന്റെ ബസ്സെൽ ജരാദി ആദ്യ ഗോൾ നേടി. പിന്നീട് 80-ാം മിനിറ്റിൽ പി.ഉമർബോവ് താജികിസ്ഥാന്റെ ആദ്യ ഗോളും സ്വന്തമാക്കി. തുടർന്ന് 92-ാം മിനിറ്റിൽ തജികിസ്ഥാന്റെ എൻ.ഖമ്രോഖുലോവ് രണ്ടാമത്തെ ഗോളും നേടി.
അതേസമയം, നാളെ (ചൊവ്വ) സിറിയക്കെതിരെ ഇന്ത്യ അവസാന ഗ്രൂപ്പ് മത്സരത്തിൽ പോരാടും. അൽ ബൈത്ത് സ്റ്റേഡിയത്തിൽ ഉച്ചക്ക് 2:30നാണ് മത്സരം. കൂടാതെ, അൽ ജനൂബ് സ്റ്റേഡിയത്തിൽ ഉച്ചക്ക് 2:30ന് ഓസ്ട്രേലിയ ഉസ്ബെക്കിസ്താനെതിരെയും, എജ്യൂക്കേഷൻ സിറ്റി സ്റ്റേഡിയത്തിൽ വൈകിട്ട് 6ന് യു.എ.ഇ ഇറാനെതിരെയും, അബ്ദുല്ല ബിൻ ഖലീഫ സ്റ്റേഡിയത്തിൽ വൈകിട്ട് 6ന് ഫലസ്തീൻ ഹോങ്കോങിനെതിരെയും മത്സരിക്കും.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F