March 23, 2024
March 23, 2024
ദുബായ്: ദുബായില്‍ പൊതുഗതാഗത യാത്രക്കാര്‍ക്കായി സൗജന്യ സ്മാര്‍ട്ട് കുട അവതരിപ്പിച്ചു. 'ഷെയേര്‍ഡ് കുടകള്‍' എന്ന പേരില്‍ ദുബായ് ആര്‍ടിഎയാണ് പുതിയ സേവനം അവതരിപ്പിച്ചത്. പ്രമുഖ കനേഡിയന്‍ സ്മാര്‍ട്ട് അംബ്രല്ല ഷെയര്‍ സര്‍വീസ് കമ്പനിയായ അംബ്രാസിറ്റിയുമായി സഹകരിച്ചാണ് പദ്ധതി. നിലവില്‍ അല്‍ ഗുബൈബ ബസ് സ്‌റ്റേഷനിലും മെട്രോ സ്‌റ്റേഷനിലുമാണ് സൗജന്യ സ്മാര്‍ട്ട് കുട അവതരിപ്പിച്ചത്. മൂന്ന് മാസത്തെ നിരീക്ഷണത്തിന് ശേഷം പദ്ധതി വിജയകരമാണെങ്കില്‍ മറ്റ് മെട്രോ സ്‌റ്റേഷനികളിലേക്കും ബസ് സ്റ്റേഷനുകളിലേക്കും സര്‍വീസ് വ്യാപിപ്പിക്കും.
പ്രവര്‍ത്തന രീതി:
യാത്രക്കാര്‍ക്ക് നോള്‍ കാര്‍ഡ് ഉപയോഗിച്ച് സൗജന്യമായി കുടകള്‍ വാങ്ങാം. 20 മിനിറ്റ് നേരമാണ് സമയം അനുവദിക്കുന്നത്.
യാത്രക്കാര്‍ക്ക് വെയിലില്‍ നിന്നും മഴയില്‍ നിന്നും രക്ഷനേടാന്‍ സൗകര്യപ്രദമായ മാര്‍ഗം നല്‍കുന്നത് ലക്ഷ്യമിട്ടാണ് സേവനം രൂപകല്‍പന ചെയ്തത്. ആളുകളുടെ ജീവിതനിലവാരം മെച്ചപ്പെടുത്തന്നതിന്റെ ഭാഗമായാണിത്.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
