December 31, 2023
December 31, 2023
ദോഹ: ഖത്തർ എ.എഫ്.സി ഏഷ്യൻ കപ്പിൽ മത്സരിക്കാൻ സൗദി ടീം "ഗ്രീൻ ഫാൽക്കൻസും" ഇന്ന് (ഞായർ) ഖത്തറിലെത്തി. ഏഷ്യൻ കപ്പ് ഗ്രൂപ് ‘എ'യിൽ മത്സരിക്കുന്ന സൗദി സന്നാഹ മത്സരങ്ങൾ കൂടി ലക്ഷ്യംവെച്ചാണ് നേരത്തേതന്നെ ഖത്തറിലെത്തുന്നത്. മൂന്നു സന്നാഹമത്സരങ്ങളാണ് സൗദി ഖത്തറിൽ കളിക്കുന്നത്. ജനുവരി 4ന് ലെബനാനുമായും, ജനുവരി 9ന് ഫലസ്തീനുമായും, ജനുവരി 10ന് ഹോംഗ് കോഗുമായും 3 സൗഹൃദ മത്സരങ്ങളാണ് പ്രഖ്യാപിച്ചത്. ഖത്തറിലെ സീലൈൻ റിസോർട്ടിലാണ് ടീമിന്റെ പരിശീലനം.
ഏഷ്യൻ കപ്പ് സംഘാടക സമിതിയാണ് ഹമദ് അന്താരാഷ്ട്ര വിമാനത്താവളത്തിൽ ടീമിനെ സ്വീകരിച്ചത്. വിമാനത്താവളത്തിലെ ഊഷ്മളമായ സ്വീകരണത്തിനും ഉദാരമായ ആതിഥ്യത്തിനും ഏഷ്യൻ കപ്പ് സംഘാടക സമിതിക്ക് സൗദി ഫുട്ബോൾ ഫെഡറേഷന്റെ ഡയറക്ടർ ബോർഡ് ചെയർമാൻ യാസർ ബിൻ ഹസൻ അൽ-മിസെഹാൽ നന്ദിയും അഭിനന്ദനവും അറിയിച്ചു.
സുനിൽ ചെഹ്ത്രിയുടെ നേതൃത്വത്തിലുള്ള ബ്ലൂ ടൈഗേഴ്‌സ് ഇന്ത്യൻ ടീം കഴിഞ്ഞ ദിവസം ദോഹയിലെത്തിയിരുന്നു. ഇന്ത്യയ്ക്ക് പിന്നാലെ എത്തുന്ന ഏഷ്യൻ കപ്പിൽ കളിക്കുന്ന രണ്ടാമത്തെ ടീമാണ് സൗദി ടീം.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
