November 09, 2023
November 09, 2023
ദോഹ: 14ാമത് ഖത്തർ ഇന്ത്യൻ ഫുട്ബാൾ ഫോറം (ഖിഫ്) അന്തർ ജില്ല ഫുട്ബാൾ ടൂർണമെന്റിന് ഇന്ന് (വ്യാഴാഴ്ച) കിക്കോഫ്. വൈകീട്ട് 7.30ന് ദോഹ സ്റ്റേഡിയത്തിലാണ് മത്സരം. എട്ടു ജില്ല ടീമുകൾ മത്സരത്തിൽ പങ്കെടുക്കും. ഉദ്ഘാടന മത്സരത്തിൽ കെ.എം.സി.സി മലപ്പുറം ടീമും, കെ.എം.സി.സി കണ്ണൂർ ടീമും എറ്റുമുട്ടും. രണ്ടാമത്തെ മത്സരത്തിൽ ടി.ജെ.എസ്.വി തൃശൂർ ഫോക് കോഴിക്കോട് ടീമിനെ നേരിടും.
യുനൈറ്റഡ് എറണാകുളം, ദിവ കാസർകോട്, കെ.എം.സി.സി പാലക്കാട്, വയനാട് കൂട്ടം എന്നിവരാണ് ടൂർണമെന്റിൽ പങ്കെടുക്കുന്ന മറ്റു ടീമുകൾ. ഓരോ ജില്ലയിൽ നിന്നും ഓരോ ടീമുകൾ മാത്രമാണ് ഇത്തവണ മത്സരത്തിലുള്ളത്. ശക്തരായ വിവിധ ജില്ല ടീമുകൾ മത്സരിക്കുമ്പോൾ വീറും വാശിയും നിറഞ്ഞ അന്തർ ജില്ല ഫുട്ബാൾ ടൂർണമെന്റിനായിരിക്കും ഇത്തവണ സാക്ഷ്യം വഹിക്കുകയെന്ന് ഖിഫ് ഭാരവാഹികൾ പറഞ്ഞു.
നാട്ടിൽ നിന്നെത്തിയ കളിക്കാരും വിവിധ ടീമുകളിലായി മത്സരിക്കും. മൂന്നു വർഷത്തെ ഇടവേളക്കു ശേഷമാണ് ഖിഫ് അന്തർജില്ല ഫുട്ബാൾ ടൂർണമെന്റ് തിരിച്ചെത്തുന്നത്. മത്സരം ഡിസംബർ 15ന് അവസാനിക്കും.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CqJci12yE9VL8MZgKZYvGm
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F