February 03, 2024
February 03, 2024
ദോഹ: എ.എഫ്.സി ഏഷ്യൻ കപ്പ് ക്വാർട്ടർ ഫൈനലിന്റെ അവസാന മത്സരത്തിൽ ഖത്തറിന് വീണ്ടും വിജയം. 4-3 എന്ന സ്കോറിനാണ് ഉസ്ബെക്കിസ്ഥാനെ പരാജയപ്പെടുത്തിയത്. ഇന്ന് (ശനി) വൈകിട്ട് 6ന് അൽ ബെയ്ത് സ്റ്റേഡിയത്തിലായിരുന്നു മത്സരം. ഇതോടെ ഉസ്ബെക്കിസ്ഥാനെ പുറത്താക്കി ഖത്തർ സെമി ഫൈനൽ മത്സരത്തിന് യോഗ്യത നേടി.
മത്സരത്തിന്റെ 27-ാം മിനിറ്റിൽ സെൽഫ് ഗോളിലൂടെ ഖത്തർ ഗോൾ സ്വന്തമാക്കി. 59-ാം മിനിറ്റിൽ ഉസ്ബെക്കിസ്ഥാന്റെ ഒ.ഹംറോബെക്കോവ് ഒരു ഗോളടിച്ച് സമനില നേടി. തുടർന്ന് പെനാൽറ്റി ഷൂട്ട് ഔട്ടിൽ ഖത്തർ 3-2ന് വിജയം ഉറപ്പിച്ചു.
അതേസമയം, എ.എഫ്.സിയുടെ സെമി ഫൈനൽ മത്സരത്തിന്റെ (ഫെബ്രുവരി 6) ആദ്യ ദിവസം ജോർദാൻ കൊറിയക്കെതിരെ മത്സരിക്കും. അഹമ്മദ് ബിൻ അലി സ്റ്റേഡിയത്തിൽ വൈകിട്ട് 6 മണിക്കാണ് മത്സരം. ഫെബ്രുവരി 7ന് അൽ തുമാമ സ്റ്റേഡിയത്തിൽ വൈകിട്ട് 6ന് നടക്കുന്ന ഖത്തർ-ഇറാൻ മത്സരത്തോടെ സെമി ഫൈനലും അവസാനിക്കും. സെമി ഫൈനലിൽ വിജയിച്ച രണ്ട് ടീമുകൾ ഫെബ്രുവരി 10ന് നടക്കുന്ന ഫൈനൽ മത്സരത്തിൽ പോരാടും.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F