October 29, 2023
October 29, 2023
അബുദാബി : അബുദാബിയിൽ നടക്കുന്ന അറബ് നീന്തൽ ചാമ്പ്യൻഷിപ്പിൽ ഖത്തറിന് 4 മെഡലുകൾ. രണ്ട് സ്വർണവും ഒരു വെള്ളിയും ഒരു വെങ്കലവുമാണ് ഖത്തർ നേടിയത്.
50 മീറ്റർ ബട്ടർഫ്ലൈ നീന്തൽ റേസിൽ മുഹമ്മദ് മഹ്മൂദാണ് സ്വർണം നേടിയത്. അബ്ദുള്ള അൽ ഗമ്രി, മുഹമ്മദ് മഹ്മൂദ്, തമീം മുഹമ്മദ്, അഹമ്മദ് ദിയാബ് എന്നിവരടങ്ങുന്ന റിലേ ടീമും 4 x 100 മീറ്റർ മെഡ്ലേ നീന്തൽ മത്സരത്തിൽ സ്വർണം നേടി.
50 മീറ്റർ നീന്തൽ മത്സരത്തിൽ അബ്ദുള്ള അൽ ഖാലിദി വെള്ളി മെഡലും, അഹമ്മദ് ദിയാബ്, അബ്ദുള്ള അൽ ഖാലിദി, അബ്ദുള്ള അൽ ഗമ്രി, മുഹമ്മദ് മഹ്മൂദ് എന്നിവരടങ്ങുന്ന റിലേ ടീം 4 x 200 മീറ്റർ ഫ്രീസ്റ്റൈൽ നീന്തൽ മത്സരത്തിൽ വെങ്കലവും നേടി.
അബ്ദുള്ള അൽ ഖാലിദി, മുഹമ്മദ് മഹ്മൂദ്, തമീം മുഹമ്മദ്, ഹംസ ഷാലൻ, അഹമ്മദ് ദിയാബ്, അബ്ദുള്ള അൽ ഗംരി, മുഹമ്മദ് ജിലാനി, സെയ്ഫ് അൽ ബുർഷിദ് എന്നീ എട്ട് നീന്തൽ താരങ്ങളാണ് ഖത്തർ ടീമിനെ പ്രതിനിധീകരിച്ച് മത്സരത്തിൽ പങ്കെടുക്കുന്നത്.
അതേസമയം, അറബ് നീന്തൽ ചാമ്പ്യൻഷിപ്പിൽ ഖത്തറിന്റെ ഒൻപതാമത്തെ മെഡലാണിത്. ഇതുവരെ വിവിധ മത്സരങ്ങളിലായി 3 സ്വർണവും, 3 വെള്ളിയും, 3 വെങ്കലവുമാണ് ഖത്തർ നേടിയത്. ഖത്തർ, യുഎഇ, സൗദി അറേബ്യ, ബഹ്റൈൻ, ഒമാൻ, യെമൻ, സുഡാൻ, ലിബിയ, അൾജീരിയ, സിറിയ, ലെബനൻ, ടുണീഷ്യ, ജിബൂട്ടി, മൗറിറ്റാനിയ, മൊറോക്കോ, ഇറാഖ് എന്നീ 16 അറബ് രാജ്യങ്ങളിൽ നിന്നുള്ള 140 ആൺ-പെൺ നീന്തൽ താരങ്ങളാണ് ടൂർണമെന്റിൽ പങ്കെടുക്കുന്നത്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/DwYqZdMYXUCGOpYy8tmMSU
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F